facebook_dark Twitter youtube_dark instagram

Servij Heñchañ

E Miz Gwengolo 2006 eo bet krouet gant kreizenn-stummañ STUMDI ur servij arbennik evit heñchañ stajidi dilabour ar stummadurioù dibaouez.

En em harpañ a ra ar servij-mañ war al labour a vez kaset da benn gant an aozadurioù aotreet.

 

PALIOÙ AR SERVIJ :

Tri fal a zo bet lakaet e pleustr :

  • Heñchañ ar stajidi en o enklask labour gant e brezhoneg,
  • Kizidikaat an implijerien evito da duta implijidi divyezhek,
  • Respont d’ar goulennoù a denn d’al labour e brezhoneg.

Kinnig Servij heñchañ Stumdi - Kreizenn stummañ war brezhoneg

 

Staj 3 devezh "Klask labour e brezhoneg - Stumdi centre de formation en langue bretonneNEVEZ : STAJ 3 DEVEZH DIGOR D’AN HOLL VREZHONEGERIEN
KLASK LABOUR E BREZHONEG
https://stumdi.bzh/bzh/keleier/staj-nevez-klask-labour-e-brezhoneg/

 

ENKLASKOÙ : PETRA EO DEUET DA VEZAÑ HOR STAJIDI ?

Kavout a reoc’h sintezenn pep enklask amañ-dindan :

Synthèse promotions de 2016 à 2019

Résultat_enquête_2018-2019_(deux_sessions)

 

Diverradenn an enklask kaset da-benn war prantadoù ar bloavezh 2016 betek 2018  :

Ur geidenn a 86% eus ar responterien a zo pe war ur post-labour (66%) pe oc’h en em stummañ (20%) evit tizhout ur post a-benn daou pe dri bloaz.

War tachenn ar c’helenn eo e vez kavet ar muiañ a bostoù (65% eus ar postoù divyezhek war ar prantadoù-mañ). Ar skolioù Diwan eo o deus tutet ar muiañ a dud. Lakaet eo bet ganeomp war wel ivez meur a dachenn-all : ar buheziñ 6%, ar sevenadur 6%, ar c’hleweled 2%, arzoù an arvestoù 2%, ar merañ kevredigezhoù 8%, ar stummañ d’an dud deuet 2%, ar sokial 1%, ar c’hazetennerezh 1%, ar yec’hed 1%, ar c’hehentiñ 1%, al labour douar 1%. Lod o deus krouet un otoembregerezh 2%.

An darn vrasañ eus an implijidi o deus bet kevratoù berr. Muioc’h a bostoù leun-amzer pe + 50% (62%)  o deus bet eget postoù hanter-amzer pe – 50% (38%). Kinniget eo bet postoù hirbad : etre 9 ha 12 miz (36%) ha muioc’h eget 12 miz (28%).

An darn vrasañ eus ar stajidi o deus adkroget gant o studioù a zo aet war-zu un aotreegezh war ar Brezhoneg en UBO/Skol-veur Roazhon 2 pe war-zu ur Master (Brezhoneg pe MEEF divyezhek).

 

 

Evit muioc’h a ditouroù kasit ur postel deomp : serv.insertion.henchan@stumdi.bzh

 

M’ho peus c’hoant da c’houzout hiroc’h diwar-benn bed al labour brezhonek sellit ouzh ar filmig-mañ pe lennit teuliad Ofis ar brezhoneg : Marc-had-al-labour-e-brezhoneg-2012

Testenioù

Sophie – Landerne – Gwengolo 2017

Heuliet em eus daou stummadur gant Stumdi gant ar c’hoant mont d’ar skol-veur goude evit dont da vezañ skolaerez. Sikouret kalz on bet gant ar servij-henchañ a zo deuet a benn da respont d’ar goulennoù a saven ouzhin e-keñver ar skol-veur, ar stummadurioù, an aotreegezh, ar master hag-all… Sklaer ha poellek eo ar servij-mañ. Ouzhpenn-se emaint amañ war lerc’h ar stummadurioù evit omp sikour m’hon eus un ezhomm bennak. Ur gwir ostilh eo hag a rank padout !

Mathieu – Landerne – Gwengolo 2017

Servij heñchañ Stumdi en deus sikouret ac’hanon kalz evit lakaat va embregerezh “Krank Du” da vezañ ofisiel. Hetiñ a ran d’ar stajidi da zont bezañ heñchet mat ivez! Sikourit ar yezh, sikourit Stumdi !

Emilie – Brest – Gwengolo 2015

Souezhet on, en un doare pozitivel, gant al labour kaset da benn gant servij heñchañ Stumdi. Kinniget ‘z eus bet traoù dedennus din, traoù n’am bije ket soñjet ober !

Laëtitia – Aradon – Gwengolo 2018

Graet em eus stummadur dibaouez gant Stumdi ha kavet ul labour liammet gant ar brezhoneg ur sizhunvezh goude fin ar stummadur. A-drugarez da Stumdi, d’e rouedad ha d’e servij heñchañ a galite, deuet da vezañ ur gwir leurenn-lañs evit an implij, micherioù ar vugaligoù en o zouez !

Our website uses cookies and thereby collects information about your visit to improve our website (by analyzing), show you Social Media content and relevant advertisements. Please see our page for furher details or agree by clicking the 'Accept' button.

Cookie settings

Below you can choose which kind of cookies you allow on this website. Click on the "Save cookie settings" button to apply your choice.

FunctionalOur website uses functional cookies. These cookies are necessary to let our website work.

AnalyticalOur website uses analytical cookies to make it possible to analyze our website and optimize for the purpose of a.o. the usability.

Social mediaOur website places social media cookies to show you 3rd party content like YouTube and FaceBook. These cookies may track your personal data.

AdvertisingOur website places advertising cookies to show you 3rd party advertisements based on your interests. These cookies may track your personal data.

OtherOur website places 3rd party cookies from other 3rd party services which aren't Analytical, Social media or Advertising.