facebook_dark Twitter youtube_dark instagram

Témoignages

Testenioù Stummadurioù 3 miz evit ar vrezhonegerien

Aurélie – Ebrel 2021 – 3 miz Ober Landerne

Plijus tre e oa. Mersi Stumdi. Ma live e brezhoneg n’eo ket ken brav ha ‘moa c’hoant met e mod-se emañ… Ur strollad eus ar c’hentañ, mersi bras tudoù 🙂

Tiphaine – Ebrel 2021 – 3 miz Emren Brest

A-raok kregiñ ar stummadur e kreden e vevfe ar brezhoneg a-drugarez din. Met a benn ar fin eo ar brezhoneg en deus lakaet ac’hanon da vevañ en dro. Ha dindan 9 miz gant Stumdi, on deuet da vezañ un den ha n’anavezen ket a-raok, met unan hag a zo laouen ha fier da gaozeal e brezhoneg bemdez gant muioc’h muiañ a dud. Lakait hoc’h anv e stummadurioù Stumdi evit ma c’hallfemp kaozeal asambles !

Emma – Ebrel 2021 – 3 miz Ober Landerne

Eus ar c’hentañ eo bet va stummadur a-drugarez d’am strollad a oa dispar. Kalz traoù plijus kenañ hon eus graet o foetañ bro. Siwazh eo bet re verr an amzer, buan-tre eo tremenet an 3 miz-se. Plijadur zo oc’h Ober traoù e brezhoneg !

Audrey – Ebrel 2021 – 3 miz Ober Plañvour

Plijus e oa ar stummadur “Ober” gant stummerien efedus ha tout an oberezhioù bevet gant tud eus an diavaez ! Desket ‘m eus ur bern gerioù eus ar vuhez pemdeziek dre temoù a-drugarez da testennoù, istorioù, prezegennoù, filmoù, kanaouennoù, c’hoarioù… ! Ar sizhun dre soubidigezh e oa dedennus evit komz ur yezh flouroc’h… Un tammig muioc’h em bleud emaon bremañ evit kaozeal e pep lec’h a-drugarez d’ar stummadur 3 miz, ouzhpenn an hini 6 miz ! Penn-kentañ ma hent gant ar brezhoneg an hini eo !

Vincent – Ebrel 2021 – 3 miz Emren Brest

Ur stummadur mat-tre evit mont war-raok gant ar brezhoneg desket e-pad ar stummadur 6 miz ! An tri miz-se o deus lakaet ac’hanon da vezañ muioc’h e ma bleud gant ar yezh dre gomz ha dre skrid.

Valentine – Ebrel 2021 – 3 miz Ober Plañvour

Mat tre eo ar stummadur 3 miz evit uhelaat al live e Brezhoneg. Komzet e vez brezhoneg a hed an devezh ha graet e vez traoù ar vuhez pemdeziek asambles. Er soubidigezh ‘vit gwir !!!

Gwennaïg – Ebrel 2021 – 3 miz Ober Landerne

Laouen on o vezañ desket yezh hom bro e-barzh soubidigezh stummadur nav miz Stumdi. Ur sell nevez ouzh ar bed am eus savet tamm ha tamm. Dizoloet em eus ur blaz nevez er vuhez, un doare all da vevañ dre ar yezh a-drugarez d’ur strollad brav-abominapl, d’ar stummerien ha d’ar skipailh. Trugarez deoc’h !

Kevin – Ebrel 2021 – 3 miz Emren Brest

Ur soñj mat eo kenderc’hel gant 3 miz stummadur ouzhpenn goude ar 6 miz diouzhtu ! Plijet on bet gant an aozadur, ar pezh oa kinniget deomp, ar raktresoù ha gant ar stummerien disheñvel. Kenderc’hel a ra hag a raio ar brezhoneg ganin.

Mélanie – Ebrel 2021 – 3 miz Emren Landerne

Ur stummadur berr met pinvidik gant stummerien hag a oa gouest da selaou, gant kalz a dud pedet ha raktresoù da brientiñ. Meret e oa ar stummadur hervez hon ezhommoù. Plijus e oa labourat gant ur strollad bihan evit gwellaat ma brezhoneg. Labour zo c’hoazh met diazezoù zo ganin bremañ.

Yannick – Brest – Stummadur « Ober » – Ebrel 2020

Gant ar stummadur-mañ on aet betek penn ma raktres hiniennel : tapout ul live uhel a-walc’h evit kelenn en ur skol divyezhek. Bremañ eo ret din mont war-raok gant ar brezhoneg c’hoazh met da va soñj e c’hellan kregiñ ur vicher nevez !

Erwan – Landerne – Stummadur « Ober » – Ebrel 2020

Ar stummadur “ober” en deus sikouret ac’hanon evit bezañ muioc’h en va bleud gant ar yezh. An doare a-bell ne oa ket aes evit dont a-benn, met desket em eus labourat en un doare emren gant va urzhiataer, an dra-se a vo mat evit va micher en dazont. Ar bourmenadennoù goude ar c’henfinañ a oa talvoudus-kenañ evidon hag ar sizhunvezh gant ar vistri a oa dreistordinal. Mersi deoc’h. Erwan

Emmanuelle – Sant-Brieg – Stummadur « Ober » – Ebrel 2020

Souzhet on gant al live hon eus evit kompren ha komz brezhoneg goude bezañ graet ar stummadur e-pad 9 miz. Ur stummadur a feson a ginnig Stumdi. Pinvidik eo bezañ gant ur stummer disheñvel bemdez. Kalz doareoù da labourat zo bet kinniget deomp.

Sarah – Sant-Brieg – Stummadur « Ober » – Ebrel 2020

N’em eus ket gwelet an amzer o tremen e-pad ar stummadur ! Kalz a blijadur ‘meus bet o teskiñ : labour zo ha skuizh-marv on bet a-wechoù met kalz levenez zo bet ivez ! Kejet ‘meus ouzh tud dedennus-tre e-touesk ar stummerien, e-barzh ar strollad, ar vrezhonegerien all hon eus bet tro da welet… Me ‘meus ar santimant eo pinvidikoc’h va buhez a-drugarez ar stummadur. Dreist eo bet !

Sophie – Sant-Brieg – Stummadur « Ober » – Ebrel 2020

Plijadur am eus bet o teskiñ brezhoneg gant stummerien Stumdi ! Efedus eo !

Sophie – Sant-Brieg – Stummadur « Ober » – Ebrel 2020

Ur stummadur a-feson gant ur skipailh dispar. Kregiñ a reomp hep gouzout ger ebet hag e fin ar stummadur e komzomp brezhoneg. Ekstra beuz.

Loig – Landerne – Stummadur « Emren » – Ebrel 2020

“Emren” zo ur stummadur a-feson hag a zigor hentoù sevenadur Breizh. Tro am eus bet da zizoleiñ al lennegezh, an istor, ar sonerezh ha kement all ! Pleustret e vez war ar yezh ivez e doareoù disheñvel : an distagadur, ar yezhadur hag ar rannyezhouriezh. Temoù all a zo ivez, plijus eo bet ober traoù n’int ket liammet gant ar brezhoneg en ur ober gant ar yezh memestra. C’hoant am eus da vont pelloc’h c’hoazh bremañ, gant an ostilhoù solut a zo bet roet din !

Lucie – Brest – Stummadur “Ober” – Ebrel 2018

Graet ‘meus ar stummadur Ober da heul ar stummadur hir. Ar pal oa gwelaat ma live a-raok tremen arnodenn dre-gomz ar genstrivadeg skolaerez. Efedus eo bet, tapet ‘meus ar genstrivadeg. Plijus-tre oa an doare-stummañ. Plijet on gant krouiñ traou, fiñval ha mont e darempred gant an dud neuze eo ar graet ar stummadur Ober evidon.

Mark – Gwengamp – Stummadur Ober- Gwengolo 2019

Distroet eo sonerezh ar yezh e gleven hep kompren pa oan bihan gant ma mammoù-kozh. Goude 9 miz gant Stumdi hag ur skipailh a-feson, tamm-ha-tamm em eus lakaet ar pozhioù war ar ganaouenn burzhudus-mañ : ar brezhoneg. Pegen brav ha plijus eo kompren, lenn, kaozeal hag eskemm gant ar re-all ! Mil mersi da Stumdi !

Jo – Landerne – Stummadur “Emren” – Ebrel 2019

Bez e oan o c’hortoz (o huñvreal e vefe resisoc’h din lavarout) mont gant ar stummadur abaoe ur bloavezh pa oan krog ganti e miz Ebrel 2019. Ar stummadur tri miz « Emren e brezhoneg » em eus heuliet peogwir em boa bet ar chañs da glevout brezhoneg pa oan bihan hag em boa heuliet kentelioù-noz e pad meur a vloavezh. Gedal a raen kalz eus ar stummadur. Ya c’hoant em boa bezañ en va bleud e fin an tri miz, bezañ gouest da gaozeal brezhoneg en un doare flour. Ha deuet on a-benn ? Ya ! Dre forzh klevet brezhoneg adalek ar mintin betek an noz on deuet a-benn da soñjal e brezhoneg, da huñvreal e brezhoneg. Pebezh plijadur ! Pegen plijus bezañ barrek a-walc’h da gaozeal, hep aon, gant brezhonegerien a-vihanik, pe tud desket mat. Trugarekaat a ran skipailh ar stummerien hag ivez ar re a ra war-dro ar velestradurezh. C’hoant em eus da lakaat war-wel o youl, o gouiziegezh. Tud varrek ya. An doare d’ober (ur stummer disheñvel bemdez, pep hini gant e arbennigezh evit reiñ pe un tañva pe mont don en un danvez) a zo a-bouez evit lakaat war-wel pinvidigezh sevenadur breizh ha reiñ c’hoant da vont pelloc’h c’hoazh gant an enklask. Plijus eo bet din ivez bezañ gant ur strollad, merc’hed hepken, me, ar paotr nemetañ. Ur strollad gant liveoù disheñvel met an holl gant ar c’hoant implij ar brezhoneg en un doare efedusoc’h pe e vefe evit o labour pe evit o buhez pemdeziek pe an daou.

Nicolas – Plañvour – Stummadur “Emren” – Ebrel 2018

Heuliañ ur stummadur tri miz ouzhpenn oa ur sikour vat evit donaat un tammig àr ar yezh ha dizoloiñ gwelloc’h ar sevenadur. N’em eus ket dalc’het soñj eus tout ar pezh a oa bet desket er prantad-mañ, mes ne oan ket kollet tamm erbet pa oa ret din lakaat ma fri a-barzh al lennegezh, an istoer pe sevenadur ar vro. Skuizhus e oa bet, me talvezout a rae ar boan ! Ha plijus e oa beviñ ar bec’h-se get tud simpa.

Lucile – Brest – Stummadur “Emren” – Ebrel 2019

Gant ar stummadur Emren em eus gellet mont pelloc’h gant ar yezh. Deuet on da vezañ muioc’h en va bleud gant ar brezhoneg hag and dud ivez peogwir e oa dreist an aergelc’h gant ar strollad hag ar stummerien. Ur skiant-prenet pinvidik eo bet evidon.

Magali – Landerne – Stummadur “Emren” – Ebrel 2019

Echu ganeomp ar stummadur war ar brezhoneg gant Stumdi ! Goude nav miz stank hon eus kimiadet diouzh hor stummerien en ur ganañ hag en ur zañsal. Kement a blijadur hon eus bet e-pad an nav miz-se o c’hoari, o sevel divinadelloù, o kanañ, oc’h ober sport, oc’h eilmouezhiañ filmoù, oc’h atersiñ brezhonegerien, o sevel prezegennoù, o kontañ gevier, keit ha ma vezent kontet e brezhoneg… Eürus on o vezañ bevet an avantur-se, o vezañ en em gavet gant an holl vreudeur ha c’hoarezed a yezh-se, o vezañ desket ur brezhoneg a-feson.

Testenioù Hor stajidi oc’h ezteurel o soñj

Kristell – Genver 2021 – 6 miz Brest

Pouezus eo bet ar prantad-se em buhez, ha laouen on bremañ da vezañ gouest da gomz brezhoneg gant va familh, va mignoned ! Dedennus ha pinvidik e oa ar strollad. Madelezhus e oa ar stummerien evit kaout fiziañs evit komz brezhoneg er-maez eus ar c’hentelioù. Ret eo din kenderc’hel bremañ! Mersi bras deoc’h.

Amandine – Genver 2021 – 6 miz Brest

Deus ta da zeskiñ hor yezh vrav ! Ur veaj vurzhudus a vo sur ha n’eo ket marteze. Ar stummerien a lak ennomp ar c’hoant da vont war-raok atav, gant doareoù n’ez peus ket bevet morse ! Startijenn ha plijadur a zo ganto, ha ganeomp neuze. Ur sapre live a zo tapet en un nebeut mizioù. Gallout a ra bezañ ur seurt adc’hanedigezh yezhadurel a zigoro ur bed deoc’h. Ha n’eo nemet penn kentañ ar veaj.

Eric – Genver 2021 – 6 miz Brest

Ouzhpenn ur yezh m’eus desket, met ur spered. N’eo ket echu an abadenn ! Ken ar c’hentañ tro !

Maïwenn – Genver 2021 – 6 miz Brest

Ur sapre avañtur eo ar stummadur ! An doare gwellañ evit treuzkas ar yezh gant madelezh ha fent! Sur eo ha n’eo ket marteze. Mersi bras strollad Ti Zef evit ar startijenn hag hoc’h emzalc’h pozitivel. Trugarez d’ar stummerien ha da skipailh Stumdi !

Sylvain – Genver 2021 – 6 miz Brest

Bezañ gouest da gomz brezhoneg e Breizh zo un dra kreñv-tre evidon. Trugarez vras da Stumdi ha d’ar stummerien ! Ur mare dispar e oa ha mall zo warnon deskiñ muioc’h ha kenderc’hel war an hent-se.

Marina – Genver 2021 – 6 miz Brest

Ma’ z’out ken chañsus ha me, o vezañ e-barzh ur strollad ken chik ha va hini : ar stummadur a vo ur veaj tro-dro d’ar yezhoù, d’ar sevenadur hag emgavioù a-bep seurt !

Aurélie – Ebrel 2021 – 3 miz Ober Landerne

Plijus tre e oa. Mersi Stumdi. Ma live e brezhoneg n’eo ket ken brav ha ‘moa c’hoant met e mod-se emañ… Ur strollad eus ar c’hentañ, mersi bras tudoù 🙂

Tiphaine – Ebrel 2021 – 3 miz Emren Brest

A-raok kregiñ ar stummadur e kreden e vevfe ar brezhoneg a-drugarez din. Met a benn ar fin eo ar brezhoneg en deus lakaet ac’hanon da vevañ en dro. Ha dindan 9 miz gant Stumdi, on deuet da vezañ un den ha n’anavezen ket a-raok, met unan hag a zo laouen ha fier da gaozeal e brezhoneg bemdez gant muioc’h muiañ a dud. Lakait hoc’h anv e stummadurioù Stumdi evit ma c’hallfemp kaozeal asambles !

Emma – Ebrel 2021 – 3 miz Ober Landerne

Eus ar c’hentañ eo bet va stummadur a-drugarez d’am strollad a oa dispar. Kalz traoù plijus kenañ hon eus graet o foetañ bro. Siwazh eo bet re verr an amzer, buan-tre eo tremenet an 3 miz-se. Plijadur zo oc’h Ober traoù e brezhoneg !

Audrey – Ebrel 2021 – 3 miz Ober Plañvour

Plijus e oa ar stummadur “Ober” gant stummerien efedus ha tout an oberezhioù bevet gant tud eus an diavaez ! Desket ‘m eus ur bern gerioù eus ar vuhez pemdeziek dre temoù a-drugarez da testennoù, istorioù, prezegennoù, filmoù, kanaouennoù, c’hoarioù… ! Ar sizhun dre soubidigezh e oa dedennus evit komz ur yezh flouroc’h… Un tammig muioc’h em bleud emaon bremañ evit kaozeal e pep lec’h a-drugarez d’ar stummadur 3 miz, ouzhpenn an hini 6 miz ! Penn-kentañ ma hent gant ar brezhoneg an hini eo !

Vincent – Ebrel 2021 – 3 miz Emren Brest

Ur stummadur mat-tre evit mont war-raok gant ar brezhoneg desket e-pad ar stummadur 6 miz ! An tri miz-se o deus lakaet ac’hanon da vezañ muioc’h e ma bleud gant ar yezh dre gomz ha dre skrid.

Valentine – Ebrel 2021 – 3 miz Ober Plañvour

Mat tre eo ar stummadur 3 miz evit uhelaat al live e Brezhoneg. Komzet e vez brezhoneg a hed an devezh ha graet e vez traoù ar vuhez pemdeziek asambles. Er soubidigezh ‘vit gwir !!!

Gwennaïg – Ebrel 2021 – 3 miz Ober Landerne

Laouen on o vezañ desket yezh hom bro e-barzh soubidigezh stummadur nav miz Stumdi. Ur sell nevez ouzh ar bed am eus savet tamm ha tamm. Dizoloet em eus ur blaz nevez er vuhez, un doare all da vevañ dre ar yezh a-drugarez d’ur strollad brav-abominapl, d’ar stummerien ha d’ar skipailh. Trugarez deoc’h !

Kevin – Ebrel 2021 – 3 miz Emren Brest

Ur soñj mat eo kenderc’hel gant 3 miz stummadur ouzhpenn goude ar 6 miz diouzhtu ! Plijet on bet gant an aozadur, ar pezh oa kinniget deomp, ar raktresoù ha gant ar stummerien disheñvel. Kenderc’hel a ra hag a raio ar brezhoneg ganin.

Mélanie – Ebrel 2021 – 3 miz Emren Landerne

Ur stummadur berr met pinvidik gant stummerien hag a oa gouest da selaou, gant kalz a dud pedet ha raktresoù da brientiñ. Meret e oa ar stummadur hervez hon ezhommoù. Plijus e oa labourat gant ur strollad bihan evit gwellaat ma brezhoneg. Labour zo c’hoazh met diazezoù zo ganin bremañ.

Thipaine – Gwengolo 2020 – Brest

Tu zo kompren ha komz brezhoneg e 6 miz ! Souezhus eo met pegen gwir ! N’eus ket gwelloc’h eget ar soubidigezh evit deskiñ ur yezh. An dra-se a vez kavet gant STUMDI. N’eo ket bet aes atav met n’eo ket bet krouet ar stummadur evit tud hag a blij dezho ar pesked dizreinet. N’ho peus ken nemet splujañ e-barzh evit kavout ur pesk hag a zo yac’h ha beajiñ dre bed ar brezhoneg. Ar vuhez ne vo ket heñvel goude rak ar meurvor-mañ zo diharz…

Valentine – Gwengolo 2020 – Plañvour

Pa grogomp gant ar stummadur, diaes eo krediñ e vimp gouest da gaozeal e brezhoneg goude 6 miz… ha koulskoude, posupl eo ! Ha deskiñ a reomp gant plijadur ouzhpenn-se ! Un tammig muioc’h eget deskiñ ur yezh a vez graet e gwirionez (ar pezh a zo kalz dija !), rannañ ur youl a-stroll ha mont war-raok asambles, ur gwir labour-skipailh !

Claude – Gwengolo 2020 – Sant-Brieg

Ret eo en em lezel da vont. Ober a ra un tamm poan e-kreiz ar stummadur met pegen plijus eo er fin. Ar meskaj-mañ a gemero ur stumm bennak. Gwelet e vo.

Erwan – Gwengolo 2020 – Gwened

Sur eo, hor stummadur a zo bet diaesoc’h abalamour d’ar c’hleñved-red Covid-19. Met se a ziskouez eo talvoudus Stumdi c’hoazh peogwir o deus an holl desket brezhoneg memes tra. Ha forzh penaos, ne vez ket echu deskiñ morse.

Louise – Gwengolo 2020 – Plañvour

Un stummadur dedennus-tre, ur strollad ha stummerien dispar… Ar pezh a faot evit tremen 6 miz imoret-mat !

Rebecca – Gwengolo 2020 – Brest

Unan eus ar gwellañ stummadurioù-yezh am eus bet gwelet biskoazh ! Efedus-tre !

Audrey – Gwengolo 2020 – Plañvour

Fiskal eo ar stummadur-se a-drugarez d’ar skipailh dinamek ! Bemdez e vez ur stummer.ez disheñvel o rannañ liv e/he v/bro… Tamm-ha-tamm e cheñch ar roll-labour, en ur labourat, en ur c’hoari hag en ur ganañ… Buan ez a an amzer evit deskiñ kalz gerioù, ar yezhadur hag an ereadurezh… Plijus eo ivez an ehan e brezhoneg, daou viz goude penn kentañ ar stummadur… Brav eo an avañtur denel-se !

Aurélie – Gwengolo 2020 – Sant-Brieg

Ne soñje ket din e vije posubl komz brezhoneg goude 6 miz met gwir eo ! Pegen plijus e oa, ur strollad dreist e oamp. Trugarez, Stumdi !

Hortense – Gwengolo 2020 – Sant-Brieg

C’hoant em boa da zeskiñ brezhoneg abaoe pell. Tizhet eo ma fal a-drugarez d’ar stummadur. Ne soñjen ket e c’hallfen komz brezhoneg goude 6 miz hepken ! Ur stummadur dedennus-tre.

Valérie – Gwengolo 2020 – Landerne

Deskiñ brezhoneg zo bet ur chañs. Pouezus-tre eo ar strollad evit mont war-raok ha pleustriñ. Ar stummerien zo madelezhus, prest da sikour atav. Ar servij-heñchañ zo barrek-tre.

Romy – Gwengolo 2020 – Plañvour

Nag a blijadur oc’h ober anaoudegezh gant ar brezhoneg ha sevenadur Breizh. Un doare dreistordinal eo evit ober anaoudegezh ganeomp-ni ivez, ha diaes eo adkregiñ gant ur stummadur koulskoude ! Trugarez d’ar stummerien evit o energiezh !

Kevin – Gwengolo 2020 – Brest

Savet mat-kenañ eo ar stummadur 6 miz. Meur a stummer.ez disheñvel a vez a-hed ar sizhun, bep sizhun. O doare d’ober a sikoure ac’hanon da zeskiñ gwelloc’h. Desket em eus ar yezh en ur c’hoari, en ur ganañ, en ur gaozeal, en ur vale er-maez. ‘Benn ar fin em eus desket brezhoneg gant plijadur. Ouzhpenn-se em eus kavet mignon.ez.ed nevez !

Isabelle – Gwengolo 2020 – Sant-Brieg

Ar stummadur a zo evel ur c’hreunenn. Lakaet eo bet ar brezhoneg e-barzh ma fenn ha ma c’halon ha c’hoant am eus bremañ da lakaat anezhañ da greskiñ bemdez dre gomz pe dre skrid. An dud am eus bevet ganto ar stummadur e-pad c’hwec’h miz a zo bremañ mignoned din, al liamm gant ar yezh. Pebezh avañtur !

Pascal – Gwengolo 2020 – Landerne

Arc’hantaouet eo bet va stummadur gant an AGEPHIP. Ur plas a zo evit kement den e Stumdi ! Forzh peseurt pal a vefe ganto. Kenskoazell ha mignoniezh a vez kavet evit sikour pep hini da gavout e blas, dre skrid ha dre gomz.

Thomas – Gwengolo 2020 – Brest

Pegen plijus eo bet deskiñ brezhoneg o kanañ, o c’hoari, o kejañ ouzh tud a-feson ! A-drugarez da Stumdi e vin gouest da vevañ ha da labourat e brezhoneg emichañs. Bec’h dezhi !

Ioana – Gwengolo 2020 – Plañvour

Gwall blijus eo bet e-pad 6 miz ! Un teñzor zo bet roet deomp gant stummerien a-feson, farsus, pedagogel, dedennus : pinvidigezh ar yezh ha sevenadur Breizh.

Géraldine – Gwengolo 2020 – Landerne

Plijet on bet oc’h heuliañ ar stummadur 6 miz. Kalz traoù ’m eus desket diwar-benn yezh ha sevenadur Breizh. Stummerien dedennus ha madelezhus hon eus bet.

Maureen – Gwengolo 2020 – Brest

Penaos e c’hellan diverrañ stummadur Stumdi ? “Darempredoù” a vo mat d’am soñj. Darempredoù gant tud a bep seurt, darempredoù gant stummoù-deskiñ efedus, darempredoù gant pinvidigezh ar yezh, al lec’hioù hag o c’hultur, ha darempredoù ganeomp hon-unan, trugarez d’an holl eskemmoù-mañ. Dav eo bevañ anezhi !

Laurent – Landerne – Genver 2020

Kalz a blijadur m’eus bet oc’h ober Stumdi. Ur stummadur farsus ha dedennus eo, hag un doare mat-kenañ da zizoleiñ ar brezhoneg, pe mont pelloc’h evit ar re a anavez ar yezh dija.

Heol – Brest – Genver 2020

Pegen brav eo ar brezhoneg ! Plijus eo bet din deskiñ brezhoneg gant stummerien Stumdi ha kamaladed Ti Zef. C’hoant m’eus da vont war raok e brezhoneg bremañ !

Yuna – Brest – Genver 2020

Deskiñ brezhoneg a oa pouezus evidon, pouezus evit al labour (c’hoant em eus labourat en ur radio e brezhoneg), ha pouezus evit ma familh rak ma zad kozh a gomz brezhoneg. En desped d’ar c’hudennoù gant ar c’henfinañ, on bet laouen oc’h en em gavout gant ma strollad.

Myriam – Gwengamp – Genver 2020

Laouen-tre on peogwir e c’hellan komz brezhoneg gant ma merc’h bremañ ha gant brezhonegerien a-vihanik a anavezan ivez.

Gwennaïg– Landerne – Genver 2020

“Ne drokfen ket evit tenzorioù va bro, va yezh ha va frankiz.” Anjela Duval

Yvette – Brest – Genver 2020

Ur stummadur ispisial memestra ! Desket m’eus kalz traoù, anavezout a ran tud dedennus, ha dreist-holl c’hoant m’eus mont pelloc’h evit kaozeal gwelloc’h.

Kloe – Brest – Genver 2020

Tamm ha tamm e vez graet e vragoù da yann. Desket em eus kalz warnon. Gant ar c’hoant treuzkas ar yezh on, a-drugarez d’am strollad. Va zro d’hen ober bremañ !

Maëlle – Gwengolo 2019 – Brest

Tremenet eo buan ar stummadur a-benn ar fin ! Ne oa ket aes bemdez met kavet e vez bepred sikour er strollad hag gant ar stummerien. Kavet em eus mat-kenañ kaout meur a stummer rak doareoù disheñvel o deus da gelenn. Ha doareoù disheñvel da gaozeal ivez. Skoazellet mat omp bet e-pad ar stummadur : bep gwech e oa un den bennak e Stumdi o reiñ deomp respontoù pe sikour ac’hanomp. Bremañ eo poent ober gant ar brezhoneg !

Lucie – Gwengolo 2019 – Landerne

Ar stummadur “Ar brezhoneg e 6 miz” a oa dedennus hag efedus ! Ar stummerien zo prest da henchañ ha da sikour ar stajidi evit deskiñ brezhoneg. Graet o doa gant kalz doareoù disheñvel ha plijus evit kelenn ar brezhoneg deomp. E-pad ar stummadur on en em gavet gant tud nevez ha simpa-kenañ ivez ! Laouen-tre on ha gouest on da gomz e brezhoneg gant va mignoned brezhonegerien bremañ!

Lionel – Gwengolo 2019 – Landerne

An dra bouezusañ e Stumdi ez eo ar cheñchamant stummer⋅ien⋅ezed bemdez. Pa ne oa ket bet komprenet ganeomp ur poent bennak e oa tu d’ur stummer⋅ez all displegañ en ur mod-all. Bamus eo gwelout pegen buan eo bet desket ar yezh ganeomp.

Annaig – Gwengolo 2019 – Aradon

Deskiñ en ur c’hoari, gant efedusted hag un aergelc’h plijus !

Baptiste – Gwengolo 2019 – Gwened

Un doare pedagogel efedus ha plijus evit deskiñ brezhoneg gant stummerezed ha stummerien aketus ha barrek hag a ro fiziañs evit tizhout ar pal-mañ !

Thomas – Gwengolo 2019 – Gwened

Stummadur a-feson ! Savet eo ar stummadur en un doare mat-tre, gant dafar pedagogel disheñvel, ar pezh a sikour evit ober araokadennoù buan ! Trugarez vras d’ar skipailh !

Manon – Gwengolo 2019 – Brest

Penn-kentañ ar stummadur ne gomzen ket brezhoneg tamm ebet. 6 miz war-lerc’h on deuet a-benn da gomz gant brezhonegerien (a-vihanik pe get) ha bezañ komprenet ganto. Me a blij din pedagogiezh Stumdi ! Nag a blijadur zo bet !

Elisabeth – Gwengolo 2019 – Sant-Brieg

Dreist e oa ar stummadur evit deskiñ brezhoneg ha gant ur strollad chichan ! Kenskoazell a oa etre ar stajidi. Gant an darnvuiañ eus ar strummerien e oa mat-tre ivez. Tremenet hon eus kalz a brantadoù plijus. Mersi bras d’an holl.

Sophie – Gwengolo 2019 – Sant-Brieg

Da gentañ ‘meus soñjet e vefe hir ar stummadur. Met er c’hontrol : echuiñ a raio hep ma verzfen. Tremenet ‘meus 6 miz a-feson ! Mersi bras da va strollad ha d’ar stummerien.

Loig – Brest – Gwengolo 2019

A-drugarez d’ar stummadur 6 miz em eus tapet kalz a varregezhioù war ar yezh, hep kaout ar santimant da labourat en un doare skolel met er c’hontrol, buhezek-tre. Dav eo kenderc’hel bremañ evit dont da vezañ divyezhek evit gwir !

Sonia – Brest – Genver 2019

Ur stummadur a-feson am eus graet gant Stumdi. Pebezh plijadur eo bet deskiñ brezhoneg ! Laouen on da vezañ gouest da gomz ha da gompren ar yezh brav-mañ. Hag a-drugarez d’ar stummadur eo cheñchet ma sell war Breizh !

Matthieu – Landerne – Genver 2019

Ne gomzan ket ur brezhoneg flour c’hoazh met tout an traoù evit mont pelloc’h gant ar brezhoneg a zo bet desket e Stumdi. Trugarez deoc’h !

Gilles – Landerne – Genver 2019

Un dizoloadenn vrav evidon. Pazennoù mat a-drugarez d’ar stummerien barrek-tre !

Michaël – Brest – Genver 2019

Pouezus eo lakaat en-dro an dud da gomz brezhoneg e pep lec’h. Er straedoù, er gêr, el labour… Ar brezhoneg zo ur yezh vev a-drugarez da aozadurioù evel Stumdi !

Cécile – Brest – Genver 2019

Ne vin ket gwerzhet gant ar brezhoneg ! A-drugarez da Stumdi em eus desket ar yezhadur ha bevet 6 miz o komz brezhoneg bemdez. Diazezet eo bet ar brezhoneg dre gomz ha dre skrid. Fellout a ra din lavaret mersi bras d’an holl stummerien ha stummerezed o deus lakaet ac’hanon da zizoleiñ pinvidigezh ha kaerder ar yezh-se. Seul niverusoc’h a vrezhonegerien e vimp seul welloc’h e vo. Deus ‘ta !

Maela – Brest – Genver 2019

Stumdi zo ur stummadur plijus-kenañ. A-drugarez d’ar stummerien em eus desket penaos komz brezhoneg ha lorc’h zo ennon. Ul lec’h mat eo evit deskiñ, ober anaoudegezh ha kaout plijadur o komz brezhoneg. Trugarez deoc’h !

Camille – Gwengamp – Genver 2019

Setu c’hwec’h miz evit cheñch hon buhez – C’hwec’h miz evit lakaat hon fennoù leun chouk gant ar gerioù hag ar frommoù. Setu c’hwec’h miz evit bezañ adc’hanet e Breizh, evit dizoleiñ en-dro an dud, an hentoù, ar sevenadur. An avañtur ne ra ket nemet komañs !

Mathilde – Plañvour – Genver 2019

Laouen on bout desket brezhoneg get ar stummadur 6 miz ! Ur stummadur plijus-tre, farsus ha dedennus, ha dreist-holl efedus-tre !

Tiffen – Plañvour – Genver 2019

Ar stummadur-se oa dedennus tre. Ar stummerien a oa fiskal. A-bouez e oa ar stajoù ivez.

Per-Vari – Plañvour – Genver 2019

Kalz a blijadur am eus bet o teskiñ brezhoneg gant Stumdi. Pegen plijus eo komz e brezhoneg gant mignoned din bremañ. Diaes oa din ober ma « c’homing out » met bremañ eo mat. Ouzhpenn-se m’eus kavet labour a-benn Miz Gwengolo er skol e-lec’h ma ’m boa graet an eil staj !! Ober ar stummadur gant Stumdi zo ur chañs wir rak ur servij heñchañ a zo hag ur skipailh a-feson a zo ivez ! Ober a rin ar stummadur 3 miz e Miz Ebrel. Mersi da Stumdi !!

Marine – Plañvour – Genver 2019

Plijus-tre oa deskiñ brezhoneg e-pad 6 miz gant skipailh Stumdi ! Fiskal oa ar stummadur e Plañvour. Ne gomzen ket brezhoneg tamm ebet a-raok ar stummadur, neuze trugarez vras d’ar stummerien !

Marion – Plañvour – Genver 2019

Ne anavezen netra e brezhoneg a-raok krogiñ gant ar stummadur 6 miz. Bremañ e c’hellan komz brezhoneg a-drugarez da Stumdi ha d’ar stummerien. Fiskal e oant ! Plijus-tre oa ar stummadur-se.

Magali – Landerne – Stummadur “Emren” – Ebrel 2019

Echu ganeomp ar stummadur war ar brezhoneg gant Stumdi ! Goude nav miz stank hon eus kimiadet diouzh hor stummerien en ur ganañ hag en ur zañsal. Kement a blijadur hon eus bet e-pad an nav miz-se o c’hoari, o sevel divinadelloù, o kanañ, oc’h ober sport, oc’h eilmouezhiañ filmoù, oc’h atersiñ brezhonegerien, o sevel prezegennoù, o kontañ gevier, keit ha ma vezent kontet e brezhoneg… Eürus on o vezañ bevet an avantur-se, o vezañ en em gavet gant an holl vreudeur ha c’hoarezed a yezh-se, o vezañ desket ur brezhoneg a-feson.

François – Brest – Gwengolo 2018

Kalz a blijadur em boa bet e-pad ar c’hwec’h miz, a-drugarez d’ar stummerien ha d’ar stummerezed… Pep hini a zo disheñvel, pep hini a zo micherel. An doareoù liesseurt da gelenn a zo skeudenn ar stummadur, birvilhus !

Maze – Plañvour – Gwengolo 2018

Goude c’hwec’h miz e Stumdi on laouen bras gant va live brezhoneg. Bremañ e c’hellan komz gant tud a bep seurt e brezhoneg hepken. Ar pedagogiezh hag ar stummerien zo mat kenañ hag ar servij henchañ a ginnig traoù hag a heul ac’hanomp a-hed ar stummadur. Grit stumdi hag ho puhez a cheñcho !

Dounia – Landerne – Gwengolo 2018

Chom a ra un eñvorenn e-barzh ma fenn: tud madelezhus hag aketus gant ar stajidi. Doujañs a oa etre tout an dud. Mersi bras d’an holl !

Romuald – Brest – Gwengolo 2018

Mersi bras da Stumdi : d‘ar stummerien/stummerezed, d‘ar servij melestradurel ha d‘ar servij henchañ. Plijus ha dedenus e oa ar stummadur 6 miz.  Desket ‘meus kalz traoù diwar-benn ar yezh ha sevenadur Breizh.

Emmanuelle – Landerne – Gwengolo 2018

6 miz stummadur. Devezhioù ‘zo bet diaes a-walc’h met ur blijadur bras kenañ eo bet deskiñ yezh ma zud kozh hag hini ma bugale. Loc’h ‘zo ennon bezañ bet desket brezhoneg. Ur bed nevez zo digor dirazon bremañ.

Marie – Aradon – Gwengolo 2018

Trugarez da Stumdi evit ar stummadur a oa mat kenañ !

Camille – Brest – Gwengolo 2018

Ar stummadur se zo plijus kenañ ! Posubl eo kavout tud eus pep lec’h ! An aergelc’h zo eus ar c’hentañ etre ar stajidi hag ar stummerien ivez.

Marine – Brest – Gwengolo 2018

Ur skiant-prenet eus ar c’hentañ. N’eus ket gwelloc’h eget ar soubidigezh evit deskiñ ur yezh. Ouzhpenn-se gant an aergelc’h ha stummerien a-feson !

Anne-Marie – Gwengamp – Gwengolo 2018

Pebezh chañs evidon da vezañ graet ar stummadur gant Stumdi. Plijout a rae din mont d’ar stummadur bemdez. Abaoe 40 vloaz ne oan ket bet oc’h en em stummañ. Respontet em eus da goulenn Stumdi : Ha C’hwi ? Ar stummadur-se a alian  d’an holl. Foug zo ennon da vezañ heuliet anezhañ evel m’en doa graet Yann Tiersen em raok !

Magali – Gwengamp – Gwengolo 2018

Kinnig a ra Stumdi deomp un doare da zeskiñ bev, efedus hag aozet mat. A-benn 6 miz e vez posubl komz ha skrivañ en un doare flour ! Ar c’horf a-bezh a vez implijet e-kerzh ar stummadur, dre ma vez kanet, c’hoariet, savet pezhioù-c’hoari ; c’hoarzhet e vez alies-mat ivez ! Ar stummerien a zo mennet hag a daol evezh ouzh pep hini ; pasianted ha madelezh o dez dalc’hmat. Treuzkaset e vez gante estroc’h evit ur yezh reizh : doujañs ouzh ar vrezhonegerien hag ouzh pouez-mouezh disheñvel pep bro, entan evit sevenadur Breizh hag evit un doare all da santout an traoù.

Nadia – Aradon – Gwengolo 2018

Plijus e oa ar stummadur e-pad 6 miz mes pegen diaes e oa evidon ! N’em boa ket klevet brezhoneg morse (nemet gant kanaouennoù) a-raok miz Gwengolo ha digalonekaet e oan alies. Trugarekaat a ran ar skipailh stummerien evit o fasianted ha da vezañ sikouret ac’hanon atav.

Yann – Aradon – Gwengolo 2018

Ec’h ober ar stummadur-mañ e yoc’h e darempred get tud a-feson a ziskouezo deoc’h penaos digoriñ dorioù ur bed nevez, hud e spered ! Prest oc’h da grogiñ get ar veaj ? Ne voc’h ket dipitet ! Disheñveltre eo doare soñjal ar brezhoneg : kreizet àr an nen hag an en-dro, resisoc’h, eeun… Kabidan evit en em droiñ en unan arall, nevez, leun a spi ha fiziañs ! Dibabit ar stummadur c’hwec’h miz aveit “ho pro, ho yezh hag ho frankiz” !

Lorene – Aradon – Gwengolo 2018

Stumdi zo ur stummadur mat-tre ha kalz plijadur am eus bet e-pad 6 miz o teskiñ brezhoneg.

Laëtitia – Aradon – Gwengolo 2018

Kavet m’eus un labour e ar fin ar stummadur a-drugarez d’ar brezhoneg!

Marin – Brest – Gwengolo 2018

Kalz plijadur zo gant stumdi ! Ar stummerien zo dreist hag an dud ivez ! Ul lec’h mat eo stumdi evit kregiñ da zeskin brezhoneg !!

Lucile – Brest – Gwengolo 2018

E-pad ar 6 miz em eus desket kalz traoù dedennus ha pouezus ha deuet on a-benn da gomz brezhoneg e diwezh ma stummadur. Ouzhpenn-se em eus kejet ouzh gwir vignoned ha desket em eus e-pad 6 miz en un aergelc’h dispar.

Laura – Brest – Gwengolo 2018

Ur sapre lusk hag ur sapre skipailh a oa evit kas ac’hanomp betek ur pal boutin : komz brezhoneg goude 6 miz. C’hoant am boa da zeskiñ yezh ar vro, kavet em eus ur sevenadur a-bezh, ha mignoned nevez !

Patricia – Gwengamp – Gwengolo 2018

Desket em eus diazezoù ar yezh hag heuliet ar stummadur Ober evit barrekaat ma live. Ar pal eo mont war an aotreegezh war ar brezhoneg e Skol Veur Roazhon. Pouezus e oa bezañ gant tud eus broioù disheñvel evit komz ar yezh a-vremañ. Trugarez ha gourc’hemennoù da skipailh Stumdi. Emañ ar vag war he hent brav ! Buhez hir a souetan deoc’h evit skignañ ar Brezhoneg.

Cyril – Aradon – Gwengolo 2018

Me zo gouest da gomz ha kompren dre vras brezhoneg goude 6 miz evel e c’hellfed deskiñ ur yezh all o veajiñ en ur vro all e-pad ar memes prantad. C’hoant ‘meus da vont pelloc’h gant ar yezh-se ha laouen on o sikour da ziorren ar brezhoneg ha derc’hel anezhi er vro.

Carine – Aradon – Gwengolo 2018

Stank ha stank ha skuizhus mes kabidan eo !!!! Trugarez vras d’ar skipailh a-bezh !

Véronique – Brest – Gwengolo 2018

Un istor vrav e oa ganeoc’h ! Desket em eus ar pezh am boa c’hoant, ha deuet on a-benn da gomz brezhoneg flour a-walc’h ! Chom a ra kalz a labour atav ! Ha laouen on o kenderc’hel va stummadur gant ar strollad Emren evit gwellaat ma live evit goude mont da skolaerez ! Mersi bras deoc’h ha kendalc’hit e mod-se !!! Dispar eo !!! Gourc’hemennoù !!!

Jean-Christophe – Genver 2018 – Plañvour

Setu ur stummadur a galite vat aveit krogiñ da zeskiñ brezhoneg. Ar c’helennerezh a zo efedus-tre !

Katell – Genver 2018 – Landerne

Gant plijadur e teuen bemdez d’ar c’hentelioù e Stumdi. Mersi d’ar stummerien bezañ bet kement a basianted ganin ! Plijet bras on bet gant holl ac’hanoc’h.

Marie – Janvier 2018 – Landerneau

Ur stummadur a-feson gant tud a-feson ! Stummerien eus ar c’hentañ… pebezh plijadur em eus bet ganeoc’h ha gant ma strollad ha pa oa diaes a-wechoù. Trugarez vras deoc’h !

Marie – Genver 2018 – Landerne

Ur veaj a feson evit deskiñ brezhoneg ! Un avañtur evit krouiñ liammoù gant tud kalonek e spered ar yezh !

Jérôme – Genver 2018 – Plañvour

Emaon o paouez echuiñ ar stummadur 6 miz Stumdi e Plañvour ha dleout a ran lâret on bet plijet ganti dre vras. E penn-kentañ ar stummadur ne oaren ket nemet un nebeud gerioù ha frazennoù simpl-tre. Bremañ on gouest da gomz diwar-benn traoù ar vuhez ha da gompren mat a-walc’h an dud a anavan. Evidon eo bet efedus-tre ar stummadur ha ma welan tud hag a zo e soñj deskiñ brezhoneg e kuzulfen dezhe mont da Stumdi. Ouzhpenn-se ‘m eus graet anaoudegezh gant tud hag a zo deuet da vout mignoned e-barzh ar strollad ha stummerien a welin en-dro goude ar stummadur emichañs !

Magali – Genver 2018 – Plañvour

Trugarez da Stumdi evit ar stummadur 6 miz. Skuizhmarv on bremañ mes dedennustre e oa da zeskiñ brezhoneg geneoc’h.

Anna Vari – Genver 2018 – Landerne

A-drugarez d’ar brezhoneg e vez kinniget e Stumdi prantadoù nevez. Gerioù, rimadelloù, troiennoù, kanaouennoù, sketchoù, dañsoù, predoù, reolennoù, poelladennoù, pennadoù kaoz, c’hoarioù, stajoù, devezhioù distanañ… a ziwan e brezhoneg hag a laka an holl dud da vevañ asambles. Ar brezhoneg a ro lusk d’hor c’halonoù ha ne c’hello ket mervel. Trugarez vras da bep hini !

Damien – Gwengolo 2017 – Landerne

Kompren ha komz brezhoneg zo posubl a-drugarez da STUMDI. Goude e vever hag e soñjer gant ar yezh, un doare all evit dizoleiñ hon endro ha reiñ ar c’hoant deomp da grouiñ e brezhoneg !

Claire – Gwengolo 2017 – Landerne

Desket em eus muioc’h a vrezhoneg er stummadur-mañ. Ha ne vo ket disoñjet tout an traoù-se ganin morse ! Trugarez da Stumdi.

Aurore – Gwengolo 2017 – Landerne

Plijadur zo e Stumdi. Desket em eus kalz traoù diwar-benn ar brezhoneg (evel-just) ha diwar ma fenn.

Viviane – Gwengolo 2017 – Landerne

Ar gwellañ doare eo ar stummadur 6 miz Stumdi evit deskiñ brezhoneg buan. Un tamm diaesoc’h e oa eget ar pezh a soñjen. Ret eo kavout tud hag a gomz brezhoneg evit kaozeal ganto er maez eus Stumdi evit mont war-raok. Evit bezañ barrekoc’h e kendalc’han gant ar stummadur Ober.

Natalka – Gwengolo 2017 – Sant-Brieg

Stumdi : Un doare plijus hag efedus da zeskiñ brezhoneg ! Mersi bras deoc’h !

Eloïse – Gwengolo 2017 – Brest

Ur stummadur dispar-kenañ eo. Fromet on bet gant spered ar skipailh. Pep hini zo amañ evit sikour ac’hanomp ha santet e vez. Ober a ra vat anavezout un doare disheñvel da zeskiñ. Mankout a raio din. Trugarez vras deoc’h !

Laurent – Gwengolo 2017 – Brest

Desket hon eus ar yezh e c’hwec’h miz. Gellout a ra tout an dud en ober.

Lucie – Gwengolo 2017 – Brest

Stumdi zo bet ur prantad pouezus-kenañ en ma buhez. Desket em eus ur yezh, met ivez un doare all da vezañ ! Trugarez deoc’h !

Marine – Gwengolo 2017 – Plañvour

Un avañtur a-feson eo gant kalz eñvorennoù mat. Hiziv komz a ran brezhoneg ha da gentañ ne greden ket e oa posubl komz el-mod-se. Mersi bras.

Céline – Gwengolo 2017 – Gwengamp

Estroc’h evit deskiñ brezhoneg eo pal ar stummadur STUMDI. Fromus, skuizhus ha dreist-holl plijus eo adkavout yezh ar bugaleaj ha kaozeal e brezhoneg. Darempredoù kreñv a vez krouet e-pad ar stummadur-mañ.

Tudual – Genver 2018 – Gwengamp

Graet em eus 7 sizhun deus ar stummadur 6 miz ha desket em eus kalz ! D’am soñj ar pep pouezusañ ez eo ar soubidigezh. Komzet e vez nemet e Brezhoneg e-pad 35 eurvezh bep sizhun ha war-wel ez a bomdeiz.

Testenioù Servij heñchañ

Núria Garcia – Skolaj Sant Stanislas e Lokournan

Boas eo bugale ar skolajoù divyezhek da welet ar brezhoneg evel un danvez boutin, ur yezh ne vez ket implijet er vuhez foran na gant an dud, estreget er skolaj. En oadoù-se o deus ezhomm ar vugale kaout palioù evit mont war-raok, evit  reiñ ur ster d’al labour e vez kinniget dezho ober. Setu perak ‘m boa soñjet  mont e darempred gant an aozadurioù a ra gant ar brezhoneg gant ar pal brezhonekaat ar gevredigezh ha ledanaat marc’had al labour e brezhoneg. Gant ar mennozh-se  e oan bet e darempred gant Stumdi. Kinniget em boa dezho kemer perzh e forom ar micherioù e brezhoneg, ha dezho da ginnig ar stummadur gant an dud deuet hag ar servij henchañ ha kehentiñ. Deuet e oa Annaig d’hen ober en ur mod pedagagogel-tre, gant skeudennoù, grafikoù, skouerioù pleustrek a-bep seurt… Dedennet-tre e oa bet ar skolajidi! D’ar poent-se eo cheñchet penn-da-benn skeudenn ar brezhoneg. Chomet eo en o fennoù n’eo ket ar brezhoneg un danvez da studiañ nemetken, met ur yezh da ober ganti er vuhez, ur yezh  a c’hell degas labour diwezhatoc’h. Trugarekaat a ran Annaig evit bezañ asantet kemer perzh en abadenn ar skolaj ha bezañ bet prest da genlabourat ganeomp. Fiziañs ‘m eus e c’hellimp kenderc’hel da labourat asambles.

Sophie – Landerne – Gwengolo 2017

Heuliet em eus daou stummadur gant Stumdi gant ar c’hoant mont d’ar skol-veur goude evit dont da vezañ skolaerez. Sikouret kalz on bet gant ar servij-henchañ a zo deuet a benn da respont d’ar goulennoù a saven ouzhin e-keñver ar skol-veur, ar stummadurioù, an aotreegezh, ar master hag-all… Sklaer ha poellek eo ar servij-mañ. Ouzhpenn-se emaint amañ war lerc’h ar stummadurioù evit omp sikour m’hon eus un ezhomm bennak. Ur gwir ostilh eo hag a rank padout !

Mathieu – Landerne – Gwengolo 2017

Servij heñchañ Stumdi en deus sikouret ac’hanon kalz evit lakaat va embregerezh “Krank Du” da vezañ ofisiel. Hetiñ a ran d’ar stajidi da zont bezañ heñchet mat ivez! Sikourit ar yezh, sikourit Stumdi !

Emilie – Brest – Gwengolo 2015

Souezhet on, en un doare pozitivel, gant al labour kaset da benn gant servij heñchañ Stumdi. Kinniget ‘z eus bet traoù dedennus din, traoù n’am bije ket soñjet ober !

Laëtitia – Aradon – Gwengolo 2018

Graet em eus stummadur dibaouez gant Stumdi ha kavet ul labour liammet gant ar brezhoneg ur sizhunvezh goude fin ar stummadur. A-drugarez da Stumdi, d’e rouedad ha d’e servij heñchañ a galite, deuet da vezañ ur gwir leurenn-lañs evit an implij, micherioù ar vugaligoù en o zouez !

Testenioù Formulenn Pevarlamm

Mickaël – Landerne – C’hwevrer 2020

Dedennus-kenañ e oa, evel bep bloaz, mont da Stumdi, pleustriñ war ar yezh, selaou ur bern taolioù-mouezh disheñvel hag implijout temoù nevez hag interesant. Bemdez un digarez da gaozeal !

Kristel – Landerne – C’hwevrer 2020

Dedennus-tre e oa tout ar sizhunvezh. Bemdez pe dost eo bet dalc’het ar palioù pedagogel. Plijus-kenañ e oa ar sizhunvezh : leun-chouk eo ma fenn gant ur brezhoneg brav-tre !

Testenioù

Gweltaz – Modul e galleg

Bonne expérience qui à partir d’un point zéro permet de dégager des perspectives et des ébauches. Permet également d’activer la démarche de recherche d’emploi et les projets professionnels. Beaucoup d’attention à chaque situation individuelle malgré l’hétérogénéité de ces dernières. Merci beaucoup aux intervenantes pour leur professionnalisme.

Christophe – Modul e galleg

Une équipe à l’écoute qui nous fait sortir de nos sentiers battus afin de nous projeter sur des métiers autours de la langue bretonne.

Testenioù Hor maeronezed ha paeroned oc’h ezteurel o soñj

Tudi Kernalegenn – 2020-2021

Ar chañs ‘m eus bet deskiñ brezhoneg war barlenn ma zud ha ma zud-kozh. Un enor hag ur blijadur eo bet bezañ paeron studierien sichant ha leun a youl Stumdi. Ret eo bezañ kalonek evit deskiñ brezhoneg pa vezer gour dija. Stumdi n’eo ket nemetken deskiñ ur yezh avat, met ivez kompren gwelloc’h e wriziennoù ha, war ar memes tro, kaout ur sell digoroc’h c’hoazh war ar bed. Trugarez eta da Stumdi evit al labour a feson kaset da benn evit dazont hor yezh.

Perynn – 2019-2020

Un dudi eo bet ober anaoudegezh gant stajidi Stumdi ar bloaz-mañ. Pegen birvidik eo ar youl da zeskiñ ganto ! Reiñ a ra fiziañs din, ha kalon, pa welan ar yezh o kavout he flas en tu all d’ar bedig-bed a anavezan me.

Clarisse Lavanant – 2017-2018

Stumdi a glot gant ur prantad pouezus ha pinvidik eus va buhez. Un doare e oa da skoulmañ gant va gwrizioù don en-dro ha da welout an dazont gant ur sell ledanoc’h ha splannoc’h ! En em santout a ran klokoc’h hiziv an deiz a-drugarez d’ar stummadur-mañ ha d’ar brezhoneg evel-just. Trugarez da vezañ roet deomp an “alc’hwez aour”, hini hor yezh hag hor c’halon !

Denez Prigent – 2016-2017

Desket ‘m eus ar brezhoneg pa oan yaouank dre ma oa c’hoazh ur bern tud o komz en-dro din. Evit ar re n’o deus ket bet ar chañs-se n’eo kollet an traoù tamm ebet ! Bez e c’hellont deskiñ ar yezh gant STUMDI. Efedus-kenañ eo stummadur ar gevredigezh-se pa weler an deiz-ha-hiziv meur a hini o komz hardizh ar brezhoneg goude bezañ desket ganti.

Riwanon Kervella – 2015-2016

Abegoù a bep seurt a zo evit deskiñ brezhoneg : gouzout yezh ar vro, gouzout ur yezh keltiek disheñvel ouzh ur yezh latin, kaout labour, mont da gelenner, ober eus ar brezhoneg yezh ar gêr, hini ur gevredigezh, dizoleiñ ur sevenadur hag all hag all. Met, a bouez bras eo kement deskard, kement brezhoneger nevez evit ma chomo bev hor yezh, evit kreñvaat he stad. STUMDI ! Brezhoneg da bep hini. STUMDI ! Brezhoneg a-zevri

Clément Soubigou – 2014-2015

Ar bidoc’hig ’oan er bloavezh 2000 pa m’oa heuliet ar stumadur ! Biken ne zisoñjin an nao miziad tremenet o poaniañ bemdeiz ! Gwrizioù ha kef gwezenn hor yezh zo bet treuskaset din gant ar gelennerien, ha n’on ket dihanet da garoud ar yezh abaoe !

Annie Ebrel – 2013-2014

Ma zud, ma zud kozh, ar re kar, an amezeien… an holl re a oa en dro din e-pad ma bugaleaj, ha warlec’h ivez, a rae gant ar brezhoneg sul ha deiz pemdeiz. Krennardez, el lise, pec’h aen d’ar c’hentelioù brezhoneg em boa ar santimant da vezañ ‘barzh du-mañ. Pac’h on bet maeronez evit Stumdi eo ar blijadur bugel am boa bet, kizidig ha flour,  am eus klasket reiñ d’ar re all un tañva dioutañ.  Plijadur ur yezh lâret, kazi kanet lârfen memes, gant tud ar vro. Mil bennozh da Stumdi, d’ar re a labour evit treuskas ar yezh hag a ro c’hoant d’an dud da zeskiñ brezhoneg.

Malo Bouëssel du Bourg – 2012-2013

Stumdi a zegas un dra a-bouez en hor bed a-vremañ e Breizh : ar brouenn dre ar vicher. Gant Stumdi e vez prouet bemdez e c’heller kavout ul labour a-drugarez d’ar brezhoneg. Alies en em gavan gant tud a ra gant ar brezhoneg bemdez en o micher hag o deus kroget da zeskiñ gant Stumdi. Kendalc’het o deus da studiañ ar yezh da c’houde, evel-just, evel ma ra an holl re a gar o yezh, n’eus forzh peseurt yezh e vefe. Efedusted Stumdi, sed am eus c’hoant da lakaat war wel da gentañ-holl.

Yann-Fañch Kemener – 2010-2011

Pegen plijus eo evidon kemer perzh da sikour mont war raok – evit hon yezh hag hon sevenadur !

Goulwena An Henaff – 2008-2009

Deskiñ, eskemm, adperc’hennañ. Kavet em eus brav ha fromus gwelet tud gour, pep hini gant e istor hag e c’hoantoù, heuliañ ar stummadur 6 miz ha mont betek penn o raktres : komz brezhoneg. Gourc’hemennoù dezho holl ! A galon ! Goulwena

Gilles Servat – 2006-2007

En ur bed ken teñval, e-lec’h ma seblant mab-den ken kriz, boud zo oazizoù leun a c’houlou hag a spi, enno tud a galon. Stumdi zo unan anezho.

Nolwenn Korbell – 2005-2006

C’hwec’h miz evit dozviñ. C’hwec’h miz evit deskiñ. Ha c’ha c’ha, ha c’hi c’hi. ‘Vit lakaat da soniñ. Brezhoneg leizh an ti. Barzh kalon pep hini ! Ra vevo pell Stumdi !

Testenioù

Aurélien – Staj Eusa – Gwengolo 2021 (evit an deraouidi)

Ce stage de découverte du breton sur l’ïle d’Ouessant est l’une des meilleures formations que j’ai faite. Une grande qualité pédagogique, beaucoup de convivialité, un cadre remarquable : les ingrédients parfaits !

Kristin – Staj Eusa – Gwengolo 2021 (evit an deraouidi)

Bonne découverte du breton et de l’île d’Ouessant. Bon choix de proposer une initiation au breton sur cette île. On apprend aussi un peu l’histoire de la Bretagne au travers l’histoire d’Ouessant. Desket em eus brezhoneg e Enez Eusa. Plijadur m’eus bet ! Mersi bras !

Karine – Staj Eusa – Gwengolo 2021 (evit an deraouidi)

S’initier au breton sur l’île d’Ouessant est une expérience riche et intense. La formule cours le matin / randonnées et visites l’après-midi permet d’aller la théorie et la pratique, et d s’immerger pleinement dans la culture bretonne. Par ailleurs, les formateurs sont très sympathiques, ce qui ajoute à la bonne ambiance du stage. Merci pour cette belle aventure, qui me donne envie de poursuivre l’apprentissage du breton.

Testenioù Embregerezhioù / Impljierien

ISFEC

Ezhomm hon eus da stummañ ingal danvez-kelennerien pe kelennerien war ar brezhoneg. Dibabet hon eus ar greizenn Stumdi evit hec’h efedusted, al labour kaset da-benn ganti abaoe bloavezhioù hag ober a ra berzh evit an holl deskidi. Kenlabourat gant Stumdi a zo un dra anat deomp bremañ.

Testenioù Bugaligoù ha brezhoneg

Sandrine – Even 2019

Ar pezh en deus digaset din, dreist holl, ar stummadur « Bugaligoù ha Brezhoneg » ez eo reiñ c’hoant din komz muioc’h e brezhoneg war ar pemdez, ha se zo un dra pouezus. Krouet em eus liammoù gant tud a labour war memes tachenn ha me. Ober ur stummadur, a ro energiezh nevez evit kas da-benn hon obererezhioù pemdeziek, ha reiñ a ra danvez deomp evit labourat gant ar vugale : geriaoueg, rimadelloù, kanaouennoù…hag an aergelc’h oa plijus gant ar stajidi hag ar stummerien !

Emmanuelle – Genver 2019

Heuliet ‘m eus gant plijadur ar stummadur « Bugaligoù ha brezhoneg » ar bloavezh paseet, e-pad 6 merc’hervezh. Ur stummadur dedennus eo evit an deraouidi hag an dud a labour en un endro micherel brezhonek. Ar stummerien a implij doareoù disheñvel evit lakaat ac’hanomp da zeskiñ ha da vezañ en hon bleud, en hon aes. Gerioù ar muiañ implijet, frazennoù pouezus evit al labour pemdeziek zo kinniget deomp. Un eskemm a zo etre ar stajidi hag ar stummerien evit ma klotfe ar muiañ posupl ar stummadur  gant ar pezh a vez gortozet ganeomp !

Testenioù Bezañ en e vleud dre skrid

Mael – Here 2020

Peadra da vagañ pep hini, gant danvez evit ar speredoù lemm hag ar re n’int ket kement en o aes. Pell ‘zo n’em boa ket studiet brezhoneg ! Vad a ra lakaat e fri en-dro er yezhadur a-wechoù. Reolennoù desket gwechall ha disoñjet, ha reolennoù nevez dizoloet. Ha tro am eus bet da sevel goulennoù ouzh un den gouest da respont din, an dra-se zo prizius.

Gwennaïg – Here 2020

Laouen on bet o kemer perzh er stummadur « Bezañ en e vleud dre skrid ». Plijus e oa ar strollad ha prest da labourat en ul live brav. Goude bezañ graet ar stummad 6 miz em boa c’hoant ober ar stummadur 3 devezh evit peurlipat un nebeud poentoù yezhadur ha chom hep kouezhañ e-barzh an toulloù-trap a vez etre ar brezhoneg hag ar galleg. Seul vui ma teskan brezhoneg seul vui am bez c’hoant deskiñ brezhoneg !

Yvon – Here 2019

Je suis un bretonnant de naissance qui n’a jamais été autorisé à parler dans son milieu. Tout est entré par l’oreille.  J’ai passé peu de temps (très peu) en cours de breton. Cette expérience me permettra de décider de la suite et donc du temps que je vais y consacrer et de la manière. Je vais poursuivre sur ma démarche en cours depuis une dizaine d’année, à savoir « me faire plaisir » à partir du répertoire de chants, danses et contes du pays Léon au sein de Kafe Brezhoneg Plouénan, Tud ar vro Bro Leon et KLT.

Caroline – Here 2019

Dedennus tre eo bet evidon heuliañ ar stummadur-mañ. Heuliet em eus meur a stummadur evit gwellaat ma live yezh abaoe 2003, goude 6 miz tremenet e Stumdi, hag alies ne glote ket an danvez gant ar pezh oan o c’hortoz (adwelet an diazezoù). Trugarez deoc’h !

Josselin – Here 2019

Plijadur zo gant stummerien barrek ha jentil-kenañ ! Ar c’hentelioù zo prientet mat. Ur bern plegoù fall a c’hell bezañ diskoulmet a-drugarez d’ar stummadur-se !

Erig – Here 2018

Kemeret em eus perzh er stummadur « Bezañ en vleud dre skrid » e 2018. Labourat a ran e brezhoneg met pouezus eo din kompren spered ar yezh. Traoù nevez em eus desket e-pad 3 devezh. Dedennus e oa ivez evit adwelet reolennoù ar yezh.

Erig – Here 2018

Me ‘moa lakaet va anv e staj « Bezañ en e vleud dre skrid » abalamour ‘moa desket brezhoneg gant ar re-gozh ha me’ moa desket skrivañ va unan penn koulz lavaret. En abeg da-se e vezan a-wechoù diasur peotramant dibourvez war boentoù yezhadur. Ar staj oa plijus kenañ : un toullad mat a dud o kemer perzh, kelennerien ampart war ar brezhoneg hag ur roll-labour a-feson. Evit mestroniañ ar brezhoneg skrivet buan a-walc’h, stajoù a-seurt-se a zo efedus. Bennoz doue da Stumdi.

Morwenna – Here 2018

Kemeret em eus perzh er stummadur « Bezañ en vleud dre skrid », evit gellet labourat e brezhoneg. Desket hon eus ar reolennoù skrid liammet d’ar brezhoneg. N’int ket ar memes re hag e galleg. Pouezus-tre eo e vefe implijet ur yezh vrav ha resis pa vez labouret ganti.