Fellout a ra deoc’h labourat gant bugale ha komz a rit brezhoneg ? Emañ skol Diwan Sant-Brieg o klask tutañ daou animatour.ez tro skol gant ur c’hevrad Xe bleziek.
Ur skol gevredigezhel dindan kevrad gant an Deskadurezh-Stad eo skol Diwan Sant-
Brieg. Ur c’helenn dre soubidigezh e brezhoneg a vez kaset enni. Skoliataet e vez ouzhpenn 70 bugel dasparzhet e peder c’hlasad deus ar re vihan tout skol-vamm betek ar CM2. Kemer ar ra perzh ar skol e raktres eko-karter Robien. Raktresoù lies a vez kaset bep bloaz ganti ; ar bloaz-mañ da skouer e vo kinniget obererezhioù tro-dro tem ar sirk.
Buheziñ ur c’helc’hiad tro skol
• Sevel, kinnig ha lakaat e plas obererezhioù dudius e-barzh stern ar raktres
desavadurel
• Dielfennañ, formalizañ ha niverenniñ e raktres obererezhioù
• Sevel seañsoù buheziñ o toujañ ouzh ar reolennoù surentez
• Renabliñ an dafar a vo ezhomm evit an obererezhioù
Kemer e karg ar vugale
• Prientiñ ha sterniañ ar vugale da vare ar verenn-vihan
• Sevel, kinnig ha kevrediñ ur strollad bugale tro-dro raktresoù
• Doujañ ouzh barregezhioù, doare eztaol hag ijin pep bugel
• Merkañ ar vugale diaes dezho ha disklêriañ an degouezhioù da renerezh ar
skol
• Sikour evit al labour-noz
Kaout ul liamm gant ar skipailh pedagogiezh ha tud ar vugale
• Kehentiñ gant tud ar vugale hag ar vugale a-hinienn hag a-stroll
Gouiziegezhioù
• Anavezout ezhommoù ar vugale etre 3 hag 11 vloaz
• Gouzout ober gant ar brezhoneg
• Anavezout reolennoù degemer strolladoù tud dindan oad
• Gouzout penaos sevel un obererezh e liamm gant ar raktres pedagogel e
surentez
Gouzout ober
• Mestroniañ an teknikoù buheziñ ha sterniañ
• Mestroniañ an teknikoù diorren ur bugel hag ezteurel gant ar c’horf
• Gouzout aozañ ha lec’haveiñ
• Bezañ gouest kemer perzh en ur raktres lies-kevelerezhel
Bezañ
• Bezañ atebeg ha darempredus
• Kaout ijin ha pedagogiezh
• Bezañ gouest azasaat ha labourat gant ur skipailh
• Kaout pasianted ha selaou
• Bezañ emren ha gant startijenn
CANDIDATURES (cv et lettre de motivation) A ENVOYER A L’ADRESSE SUIVANTE :
aep22recrutement@gmail.com