Savour ha diorroour ar stummañ war ar brezhoneg !
- Abaoe 1986, n’eus bet kavet par ebet
- Kadarnaet gant 3175 stajiad
 |
Tapet eo bet gant Stumdi an testeniekadur kalite, evit ar rummad obererezh-mañ : obererezh stummañ. Muioc’h a ditouroù : |
Stumdi zo un aozadur stummañ hag a zo bet savet diwar ezhommoù ur publik liesseurt c’hoant gantañ pe deskiñ brezhoneg, pe mont donoc’h gant ar yezh. Bastañ a ra d’an ezhommoù-se a-drugarez d’e 38 bloaz a skiant-prenet ha d’e servijoù aet war-du ar micherelaat : Kelenn, Melestradur, Heñchañ.
Skipailh Stumdi (ur pemzek implijad) a zegemer bep bloaz kalzig a stajidi etre miz Gwengolo ha miz Gouere e c’hwec’h lec’h staj: Brest (29), Gwened (56), Gwengamp (22), Landerne (29), Plañvour (56) ha Sant-Brieg (22) pe en embregerezhioù.
Kenlabourat a ra Stumdi gant skol-veur Brest hag hini Roazhon II evit sikour hor stajidi da lakaat o stummadur da dalvezout en o studioù.
Brudet eo Stumdi evit e stummadur « Le breton en 6 mois !» krouet 28 bloaz ‘zo. Ar stummadur-mañ a zo e bal lakaat ar stajidi deraouidi da vestroniañ ar yezh dre gomz ha dre skrid. Diwar an 805 eurvezh e vez 735 eurvezh kentel (35 eurvezh dre sizhun), ha 70 eurvezh staj (skol, stal, kevredigezh…).
Diwar berradur « stummadur dibaouez » e teu anv Stumdi. Gallout a reer kompren ivez « Ti ar stummañ ».
Pal Stumdi?
Ledanaat plas ar brezhoneg e bed al labour ha kreskiñ an niver a vrezhonegerien dre ginnig stummadurioù diouzh ezhommoù pep hini.
Frisenn gronologel Stumdi (eus 1986 da 2022) :
