Staj tematek | LOENED, PLANT HA BREZHONEG !

Pajenn nevesaet d’an 21/11/2024

? STAJ TEMATEK DA ZONT : 9, 10 hag 11 a viz Gouere 2025 | Deiziad termen evit lakaat hoc’h anv : 13/06/2025

? BREC’H (56)

✍ FURMSKRID ENSKRIVAÑ : LAKAAT MA ANV

LOENED, PLANT HA BREZHONEG

☛ PALIOÙ AR STUMMADUR & TESTENIEKADUR DA DIZHOUT PALIOÙ Anavezout gwelloc’h an natur er vro hag ar c‘heriaoueg Tapout doareoù d’ober evit kas un abadenn natur Sevel hag implij dafar e brezhoneg war an tem-se Gwellaat e vrezhoneg Bevañ ur prantad soubidigezh e brezhoneg   BARREGEZHIOÙ DA DIZHOUT Anavezout al laboused, an amprevaned hag ar plantoù a vez kavet ar muiañ e Breizh Envel ar spesadoù stankañ, plant ha loened bihan, a gaver e Breizh Anavezout ostilhoù a bep seurt evit mont pelloc’h ganti   TESTENIEKADUR DA DIZHOUT N’eus ket.

☛ PUBLIK & RAKREKISOÙ

PUBLIK

Brezhonegerien, Tud dilabour, kelennerien, implijidi, studierien, hiniennoù.

RAKREKISOÙ

Stajidi gant al live B1 an DBY (DCLR*) d’an nebeutañ. Ar re n’o deus ket tremenet ar DBY a vo priziet o live gant ur briziadenn da vare an enskrivadur.

*Diplôme de Compétence en Langue Régionale.

☛ PADELEZH & PRIZ

PADELEZH

3 devezh – 21 eurvezh 

PRIZ

Bod ha boued  : n’eo ket kemeret e karg gant Stumdi.

☛ DEIZIADOÙ & LEC’H

DEIZIADOÙ

9, 10, hag 11 a viz Gouere 2025 | Deiziad termen evit lakaat hoc’h anv : 13/06/2025

LEC’H

E Brec’h (56) – Ekomirdi Sendegan (tres amañ dindan)

Mennozhioù letioù amañ dindan.

☛ DOAREOÙ PRIZIAÑ 

Ur briziadenn stumm ur c’houlennaoueg a vo graet e fin ar stummadur, a-benn gouzout petra a zo bet desket gant ar stajidi a-fet geriaoueg an natur hag a-fet barregezhioù liammet gant al loened hag ar plant.

☛ PROGRAMM

• Devezh 1añ
  • Geriaoueg an natur (diazezoù)
  • Pourmenadennig evit sellet ouzh al laboused
  • Spisaat ar sell ouzh an natur
  • Kinnig ar spesadoù laboused 
  • Kinnig ostilhoù evit mont pelloc’h ganti
  • Pourmenadenn evit sellet ouzh al laboused ha labour pleustrek
  • Bilañs

• Eil devezh :
  • Pourmenadenn evit adwelet anvioù al laboused
  • Geriaoueg ar plant, deskiñ deskrivañ anezho
  • Kinnig ostilhoù evit mont pelloc’h ganti
  • Anavezout ar familhoù pennañ a denn d’ar plantoù
  • C’hoari pedagogel liammet ouzh an natur
  • Pourmenadenn evit sellet ouzh ar plantoù, tresadennoù ha fotoioù
  • Krouiñ un diskouezadeg
  • Skrivañ ur pennad
  • Bilañs

• Trede devezh :
  • Pourmenadenn adwelet (al laboused, ar gwez, ar plantoù)
  • Anavezout ar familhoù amprevaned stankañ
  • Krouiñ stummoù gant kartoñs
  • Studiañ ar c’hevnid
  • Rali-foto, adimplijout ar c’heriaoueg bet desket
  • Goulennaoueg priziañ

☛  TERMEN HA DOARE ENSKRIVAÑ 

TERMEN EVIT LAKAAT E ANV

• 2/3 stummadur bep bloaz diouzh an niver a c’houlennoù : 
  • Miz Here
  • Miz Ebrel
  • Miz Gouere

Digor eo an enskrivadurioù a-hed ar bloaz. Moaien zo lakaat e anv 2 sizhunvezh a-raok ar stummadur. 

DOAREOÙ DA LAKAAT E ANV

• Sevel ar goulenn
• Studiet e vo ho koulenn hag ho live diouzh an ezhomm.
• Un emgav dre bellgomz ho p’o evit an arc’hantaouiñ

☛  MONEDUSTED

MONEDUSTED D’AN DUD NAMMET

Digor eo ar stummadur d’an dud nammet. Deuit e darempred ganeomp.

☛  DOAREOÙ HAG HENTENNOÙ PEDAGOGEL

DOARE

Stummadur war al lec’h

POURVEZ

• Skipailh pedagogel ha melestradurel a-vicher gant un diplom brezhoneg ha/pe ul live DBY brezhoneg tizhet C1,
• Sal evit labourat

Da gas: ur benveg foto – ur c’harned ha kreionoù – un alc’hwez USB – dilhad evit bale hervez liv an amzer.

HENTENN

• Skor ar c’hentelioù stumm paper pe niverel,
• Lakaat da dalvezout diouzhtu ar pezh a vo desket evit un implij aes.

Evit kavout bod tro-dro da kêr Brec’h (11 munutenn eus an Alre) : Hôtels et hébergement

POLTRIJI AR STAJ ?