facebook_dark Twitter youtube_dark

Skoazellit hor servij heñcha­ñ !

Krouet e 2006 en deus sikouret ar servij-mañ ur mil stajiad·ez bennak da gavout labour e brezhoneg pe divyezhek. Deuet eo da vezañ ur gwir venveg micherel, anavezet gant kevelerien evel Poloù implij, Misionoù broioù, CAP Emploi, implijerien a bep seurt…Ensellet eo bet e 2018 gant renerezh poloù implij Breizh hag he deus kadarnaet micheregezh ar servij-mañ.

Ur servij a ra berzh, digoust d’ar stajidi dilabour, met n’eo ket bet morse arc’hantaouet daoust da 13 vloaz a skiant-prenet !

Siwazh, daoust d’ar meuleudioù a glevomp, ne vo ket tu d’ar greizenn-stummañ Stumdi kenderc’hel d’e zougen hep skoazelloù. Abalamour da gement-mañ e c’halvomp ac’hanoc’h c’hwi, hiniennoù hag embregerezhioù a bep seurt.

 

Stajidi gozh, mignoned Stumdi, mignoned ar brezhoneg, sikourit ac’hanomp da saveteiñ hor servij-heñchañ !

Sikourit Stumdi da genderc’hel da heñchañ tud dilabour a oar brezhoneg bep bloaz a-benn diorren ar brezhoneg e bed al labour hag er gêr.

 

Testenioù :

« Graet em eus stummadur dibaouez gant Stumdi ha kavet ul labour liammet gant ar brezhoneg ur sizhunvezh goude fin ar stummadur. A-drugarez da Stumdi, d’e rouedad ha d’e servij heñchañ a galite, deuet da vezañ ur gwir leurenn-lañs evit an implij, micherioù ar vugaligoù en o zouez ! ». Laëtitia, stajiadez e Aradon (Gwengolo 2018).

«  Souezhet on, en un doare pozitivel, gant al labour kaset da benn gant servij heñchañ Stumdi. Kinniget ‘z eus bet traoù dedennus din, traoù n’am bije ket soñjet ober ! » Emilie, stajiadez e Brest (Gwengolo 2015).

“Servij heñchañ Stumdi en deus sikouret ac’hanon kalz evit lakaat va embregerezh “Krank Du” da vezañ ofisiel. Hetiñ a ran d’ar stajidi da zont bezañ heñchet mat ivez! Sikourit ar yezh, sikourit Stumdi !”  Mathieu, stajiad e Landerne (Gwengolo 2017).

“Heuliet em eus daou stummadur gant Stumdi gant ar c’hoant mont d’ar skol-veur goude evit dont da vezañ skolaerez. Sikouret kalz on bet gant ar servij-henchañ a zo deuet a benn da respont d’ar goulennoù a saven ouzhin e-keñver ar skol-veur, ar stummadurioù, an aotreegezh, ar master hag-all… Sklaer ha poellek eo ar servij-mañ. Ouzhpenn-se emaint amañ war lerc’h ar stummadurioù evit omp sikour m’hon eus un ezhomm bennak. Ur gwir ostilh eo hag a rank padout !” Sophie, stajiadez e Landerne (Gwengolo 2017)

 

Evit kaout muioc’h a ditouroù hag evit ober ur roadenn :

https://www.helloasso.com/associations/stumdi/collectes/servij-henchan-stumdi-evit-an-holl-vrezhonegerien

 

Un digresk war an tailhoù evit sikour al labour e brezhoneg. Bez e c’hell ar re a fell dezho reiñ arc’hant da Stumdi, goulenn e vefe digresket o zailhoù, diouzh lezenn ar 1añ a viz Eost 2003 e-keñver ar mesenerezh sevenadurel : 66 % eus ar sammad evit an hiniennoù ha 60 % evit an embregerezhioù.

Servij heñchañ - Stumdi centre de formation en langue bretonne

PELLGARGIT AR FOLLENN-NIJ AMAÑ ⇒ Kef_Skoazell-SH-Cagnotte_Stumdi

 

MEDIAOÙ :

 

  • France 3 Breizh – JT lec’hel 12/13 An Taol Lagad (d’an 29/04/2019) :

  • Tebeo(d’an 06/06/2019) :

Servij heñchañ - Tebeo - Stumdi centre de formation en langue bretonne

  • Pennadoù Ouest-France ha Le Télégramme :

Servij heñchañ - Stumdi centre de formation en langue bretonneServij heñchañ - Stumdi centre de formation en langue bretonne

Our website uses cookies and thereby collects information about your visit to improve our website (by analyzing), show you Social Media content and relevant advertisements. Please see our page for furher details or agree by clicking the 'Accept' button.

Cookie settings

Below you can choose which kind of cookies you allow on this website. Click on the "Save cookie settings" button to apply your choice.

FunctionalOur website uses functional cookies. These cookies are necessary to let our website work.

AnalyticalOur website uses analytical cookies to make it possible to analyze our website and optimize for the purpose of a.o. the usability.

Social mediaOur website places social media cookies to show you 3rd party content like YouTube and FaceBook. These cookies may track your personal data.

AdvertisingOur website places advertising cookies to show you 3rd party advertisements based on your interests. These cookies may track your personal data.

OtherOur website places 3rd party cookies from other 3rd party services which aren't Analytical, Social media or Advertising.