Kinnig-labour stumm pdf amañ : Kinnig-labour_Stummer·ez_Stumdi_Gwengolo_2024
Bez emañ aozadur stummañ Stumdi o klask ur stummer·ez war ar brezhoneg evit Miz Gwengolo 2024.
Pennad kinnig :
Aboae 27 bloaz emañ Stumdi o kinnig stummadurioù micherel dre soubidigezh. Klask a reomp ur stummer.ez ouzhpenn evit klokaat skipailh Penn-ar-Bed ! C’hoant ‘peus da gemer perzh er raktres-mañ ha labourat gant skipailh Stumdi, deuit da labourat ganeomp !
Post-labour : Stummer·ez war ar brezhoneg
Emglev a-stroll ar stummañ : Pazenn 12
Amzer labour : Leun-amzer
Kevrat : didermen
Lec’h labour : Post diazezet e Brest (Brest Business School)
Deiziad kregiñ : D’al Lun 2 a viz Gwengolo 2024
AR POST
Kefridioù :
- Prientiñ ar c’hentelioù o heuliañ programm ha mont en-dro ar greizenn stummañ gant sikour ar stummerien.
- Prientiñ dafar pedagogel a-zere.
- Stummañ ar stajidi war 5 barregezh ar CECRL e brezhoneg er stummadurioù micherel 6 miz ha 3 miz.
- Kemer perzh en emvodoù kenurzhiañ.
Aozioù labour :
- Kentelioù e Brest.
- Kentelioù e lec’hioù all diouzh an ezhomm.
- Kentelioù diouzh an deiz.
BARREGEZHIOÙ GOULENNET
Dre ret :
- Live brezhoneg uhel dre-gomz ha dre-skrid : C1 – live 5 an DBY pe Aotreegezh war ar brezhoneg
- Bezañ gouest da verañ e amzer-labour (kelenn er c’hlas, enklask/prientiñ kentelioù, kefridioù all a denn da vont-en-dro ar greizenn stummañ)
- Implijout beñvegoù skipailh enlinenn (Ostilh Google)
- Aotre-bleniañ B
Degemeret mat :
- Diplom / Skiant-prenet war ar c’helenn hag ar bedagogiezh
- Anavezout bed ha mont-en-dro ar stummañ evit an dud deuet
- Anavezout an teknikoù pedagogel a-vremañ war ar c’helenn yezhoù
- Bezañ gouest d’ober gant benvegoù ha teknikoù kelenn a-bell
DOARE DEN
- En e vleud gant ur strollad tud deuet
- Entanet gant ar c’helenn da dud lieseurt
- Kaout c’hoant da labourat a-skipailh
- Prest d’en em stummañ ha da zeskiñ ar vicher war ar pemdez
- Gouest da labourat en ur mod emren koulz hag a-stroll
- Entanet o teskiñ hag o rannañ e ouiziegezh dalc’hmat
- Intrudu ha mennozhioù nevez
Ur stummadur a vo kinniget e diabarzh ar greizenn e Landerne. Ouzhpenn-se e vo harpet hag ambrouget ar stummer nevez gant ar skipailh.
EN EM GINNIG :
Evit en em ginnig : Kasit ur CV hag ul lizher en em ginnig da contact@stumdi.bzh a-raok al Lun 1añ a viz Gouere 2024.
Kinnig-labour stumm pdf amañ : Kinnig-labour_Stummer·ez_Stumdi_Gwengolo_2024