Kemer perzh e oberoù Ti ar Vro Landerne Daoulaz evit diorren ar brezhoneg d’an dud etre 0 ha 77 bloaz !
C’hoant p’eus ober ur servij keodedel ganeomp ? Degemeret mat e vi gant skipailh Ti ar Vro Landerne Daoulaz !
Pal Ti ar Vro a zo diorren ar brezhoneg ha bodañ kevredigezhioù sevenadurel an dachenn evit kinnig darvoudoù.
Gant sikour da heñcher e vi karget da :
kemer perzh e raktresoù ar gevredigezh (krouiñ diskouezadegoù, aozañ sonadegoù, festoù-noz…)
sikour ar skipailh gopridi evit krouiñ ha buheziñ obererezhioù sevenadurel (stalioù keginañ, dañs, liorzhañ, filmañ…) evit ar re yaouank, an dud deuet pe ar re gozh
souten kehentiñ an darvoudoù war ar rouedadoù
Digor e vo da gevrad ha frammet ganez hervez da c’hoantoù.
Brezhoneg a zo yezh ar gevredigezh. Ret eo dit bezañ en da vleud ganti. Kinniget e vo dit ivez heuliañ stummadurioù pe ar c’hentelioù brezhoneg kinniget gant Ti ar Vro.
Adalek ar miz Here 2024
Padelezh : 8 miz
Lec’h : Kreizenn Teo ar Born e Landerneau
Titouroù : degemer@tiarvrolandernedaoulaz.bzh