Stummadur nevez BUHEZIÑ RADIO-LIESVEDIA

Skritell : Yann Champeau Graphiste – 06 27 16 12 72 – Photo : AdobeStock

Evit krouiñ programmoù liammet gant an dachenn, o tiskouezh liesseurted ar yezhoù, nerzh an ekonomiezh sokial ha kengret e ranko ar radioioù kevredigezhel a labour e brezhoneg kreñvaat o skipailhoù.

Stummadurioù war ar c’hleweled hag ar radio a zo dija met hini ebet kinniget e brezhoneg.

Stummadurioù war ar brezhoneg a zo dija ivez met hini ebet liammet gant an dachenn-vicher-mañ.

Stumdi, asambles gant skoazell Ti ar Vro Gwengamp hag ar 5 radio kevredigezhel (2) e brezhoneg, o deus kavet e vefe un taol-kaer krouiñ ur stummadur war patrom ar 6 miz anavezet dija. Kentelioù evit kreñvaat al live brezhoneg dre skrid ha dre gomz a vo kinniget a-hed ar stummadur, kaset da-benn gant stummerien Stumdi ha prezegennerien a-vicher a zeuio ivez evit labourat war kefridioù liesseurtar radio.

Meur a is-voduloù (3) war un tem resis a vo digor d’ar publik ivez, evit un devezh pe muioc’h (arc’hantaouet da skouer a-drugarez d’ar CPF)

Palioù ar stummadur :

• Bezañ en e/he aes gant ar skritur radio hag ar speech radio
• Bezañ gouest da enrollañ ha da frammañ, kinnig ul labour klok
• Klask sujedoù ha mestroniañ anezho
• Bezañ gouest da lakaat he/e labour war wel (teaserioù, rouedadoù sokial…)

Deiziad : 18/10/2021 → 04/05/2022 (termen evit lakaat hoc’h anv : 22/06/2021)

Publik : Digor d’ar vrezhonegerien (live B2 d’an nebeutañ). Statud degemeret : hiniennel, tud dilabour, implijidi.

Arc’hantaouiñ : evit an dud dilabour : 6 plas arc’hantaouet gant Rannvro Breizh. Evit an implijidi : CPF – projet de transition professionnelle.