Forom ar micherioù liammet gant ar brezhoneg 2020

Stumdi centre de formation en langue bretonne

Abaoe 7 bloaz e vez kinniget gant Stumdi e Landerne ur forom tro-dro d’ar Micherioù liammet gant ar brezhoneg. Pal pennañ ar forom ez eo heñchañ hon holl stajidi. Berzh a ra ar raktres-mañ e-touez ar stajidi kement hag an dud pedet da zerc’hel ur stand.

Abaoe 4 bloaz eo bet divizet gant Stumdi digeriñ ar forom d’ur publik ledanoc’h : ouzhpenn ar stajidi a-vremañ pe stajidi bet war ur stummadurioù d’an daoulamm, studierien, liseidi divyezhek, e vo er bloaz-mañ c’hoazh digor hor forom d’an holl (brezhonegerien dilabour o tont eus Breizh a-bezh) .

Palioù ar forom :

Titouriñ ur publik ledan ha liesseurt war ar micherioù e brezhoneg: stajidi, liseidi, studierien met ivez e-touez ar gevelerien a labour war tachenn an implij (Pol Implij, Missions locales…),
Brudañ ar stummadurioù brezhoneg hag an tachennoù a vez tutet brezhonegerien ganto (kelenn, bugaligoù…)
Diskouez ar raktresoù a vez kaset da benn war an tachennoù sevenadurel : embann, c’hoariva, kleweled…

Deiziad ha lec’h an abadenn :

Kinniget e vo ar forom d’al Lun 9 a viz Meurzh 2020, eus 1e30 da 5e00 e Kreizenn sevenadurel ar family e Landerne.

Mont en-dro an devezh :

1^e30 : Degemer gant Lena Louarn, bezprezidantez ar Rannvro, e karg eus yezhoù Breizh

1^e30-5^e00 : Forom

Pellgargañ ar skritell : Skritell_FOROM_2020

AR STANDOÙ (TACHENNOÙ MICHER) :

32 stand eus Breizh 5 departamant a gemero perzh ennañ er bloaz-mañ. Diskouezh a raio deoc’h liesseurted an tachennoù e-lec’h ma vez ar brezhoneg ur varregezh ret pe ur gwir atoud.