Bez emañ aozadur stummañ Stumdi o klask ur stummer·ez war ar brezhoneg evit Miz Du 2025 evit 7 miz.
Pennad kinnig :
Klask a ra Stumdi ur stummer.ez ouzhpenn evit klokaat skipailh Penn-ar-Bed etre miz Du 2025 ha miz Even 2026 ! C’hoant ‘peus da gemer perzh er raktres-mañ ha labourat gant skipailh Stumdi, deuit da labourat ganeomp !
Post-labour : Stummer·ez war ar brezhoneg
Emglev a-stroll ar stummañ : Pazenn 13
Amzer labour : Leun-amzer
Kevrat : CDD 7miz
Lec’h labour : Post diazezet e Brest (52 hent Emile Zola 29200 BREST)
Deiziad kregiñ : D’ar Yaou 20 a viz Du 2025 betek an 20 a viz Even 2026
AR POST :
Kefridioù :
- Prientiñ ar c’hentelioù o heuliañ programm Stumdi ha mont en-dro ar greizenn stummañ gant sikour ar stummerien.
- Prientiñ dafar pedagogel a-zere.
- Stummañ ar stajidi war 5 barregezh ar CECRL e brezhoneg er stummadurioù micherel 6 miz ha 3 miz.
- Kemer perzh en emvodoù kenurzhiañ.
Aozioù labour :
- Kentelioù e Brest.
- Kentelioù e lec’hioù all diouzh an ezhomm.
- Kentelioù diouzh an deiz
Barregezhioù goulennet :
Dre ret :
- Live brezhoneg uhel dre-gomz ha dre-skrid : C1 – live 5 an DBY pe Aotreegezh war ar brezhoneg
- Bezañ gouest da verañ e amzer-labour (kelenn er c’hlas, enklask/prientiñ kentelioù, kefridioù all a denn da vont-en-dro ar greizenn stummañ)
- Implijout benvegoù skipailh enlinenn (Ostilh Google)
- Aotre-bleniañ B
Degemeret mat :
- Diplom / Skiant-prenet war ar c’helenn hag ar bedagogiezh
- Anavezout bed ha mont-en-dro ar stummañ evit an dud deuet
- Anavezout an teknikoù pedagogel a-vremañ war ar c’helenn yezhoù
- Bezañ gouest d’ober gant benvegoù ha teknikoù kelenn a-bell
Doare den :
- En e vleud gant ur strollad tud deuet
- Entanet gant ar c’helenn da dud liesseurt
- Kaout c’hoant da labourat a-skipailh
- Prest d’en em stummañ ha da zeskiñ ar vicher war ar pemdez
- Gouest da labourat en ur mod emren koulz hag a-stroll
- Entanet o teskiñ hag o rannañ e ouiziegezh dalc’hmat
- Intrudu ha mennozhioù nevez
Ur stummadur a vo kinniget e diabarzh ar greizenn e Landerne. Ouzhpenn-se e vo harpet hag ambrouget ar stummer nevez gant ar skipailh.
Evit en em ginnig : Kasit ur CV hag ul lizher en em ginnig da contact@stumdi.bzh a-raok an 10 a viz Du 2025.