Kinnit a reomp da dout an aozadurioù – kevredigezhioù, strollegezhioù, embregerezhioù, kreizennoù stummañ … – a glask brezhonegerien lakaat hoc’h anvioù e furmskrid ar forom.

Diwallit :

• Ar furmskrid a servij da lakaat hoc’h anv en araok, n’eo ket un enskrivadur otomatek
• Studiet e vo ar c’hinnig da welet e klot gant reolennoù ar forom
• Da duta labourerien eo ar forom : arabat e vo gwerzhañ produioù

Pal an devezh eo da lakaat an implijerien da vont e darempred gant al labourerien o deus c’hoant labourat e brezhoneg ha reiñ ar c’hoant d’an dud treuzkas ar yezh e bed al labour.

? Furmskrid : https://forms.gle/vD8jrxsqcmd2e8YWA

Kinnig a reomp d’an implijerien lakaat oc’h anvioù da gemer perzh er forom ar bloazh-mañ da lakaat war-raok ar yezh e-barzh o aozadurioù.

Ma vez goulennoù, deuit e darempred gant skipailh Stumdi pe Skol an Emsav.

Skipailh Stumdi 

L’article Forom ar micherioù e brezhoneg – Digor eo furmskrid, lakait hoc’h anv en araok est apparu en premier sur Stumdi.

Ur mailh oc’h war ar skrivañ koulz ha war ar skeudennoù ? Mennet oc’h da vont gant ur vicher leun a dalvoudegezh ha frouezhus ? Deuit ‘ta da labourat evit daou aozadur e-touez ar re bouezusañ zo o treuzkas ar brezhoneg ha da sikour reiñ ar stummadurioù da anavezout d’an holl, a bep tu hag a bep mod !

Ho kefridi ? 

Brudañ stummadurioù Skol an Emsav ha Stumdi a vo ho kefridi bennañ dre lakaat en a-raok ar stummadurioù, labour ha barregezh ar stajidi, an abadennoù ha darvoudoù aozet gant an div gevredigezh… Kement-se evit sachañ evezh ur publik liesoc’h-liesañ.

An taskoù ‘po da gas da benn vat : 

• Ijinañ ha lakaat e pleustr steuñvennoù kehentiñ (kelaouiñ, darvoudoù, gounit skolidi ha stajidi…)
• Krouiñ ha skignañ dafar kehentiñ efedus da sachañ evezh an dud (skritelloù, follennoù-nij, embannadennoù war ar rouedadoù sokial)
• Magañ ha kempenn lec’hiennoù skolanemsav.bzh ha stumdi.bzh
• Priziañ talvoudegezh ha frouezh ar c’houlzadoù brudañ

Barrek oc’h :

• war ostilhoù Google Workspace, WordPress, Canva ha/pe Figma, meziantoù PAO ha sevel videoioù, kempenn skeudennoù…
• war ar c’hrouiñ, hoc’h-unan pe a-stroll, da aozañ ho labour hoc’h-unan ha da verañ meur a raktres war un dro ;
• war meur a ganol ha ma meur a zoare da sevel hag embann bruderezh (niverel enlinenn, moullet, dre-skrid ha dre-gomz…)

Ar post berr-ha-berr

• Kevrat termenet he fad (a zeuio da vezañ didermen)
• 35e / sizhun rannet etre Skol an Emsav ha Stumdi
• diazezet e Roazhon + bale bro e Breizh a-bezh
• Labourat a-bell posubl evit ul lodenn eus an amzer
• Kregiñ d’an 2 a viz Gwengolo 2025

Prest oc’h da gregiñ e-barzh ? 

Kasit ho CV ha lizher deomp ac’hann d’ar 24 a viz Eost 2025 !

Da gas dre bostel da  gwenael.dage[at]skolanemsav.bzh et helene.bonniec[at]stumdi.bzh

Evit gouzout hiroc’h :

Fichenn-bost – kehentiñ

L’article Stumdi ha Skol an Emsav a zo o klask un DEN E-KARG EUS AR C’HEHENTIÑ est apparu en premier sur Stumdi.

Stumdi a zo a-gevret gant ar galv da vanifestiñ disadorn e Roazhon.

[Kemmennadenn Diwan]

Kemenn barr-amzer war yezh ha sevenadur Breizh

Galv da vanifestiñ e Roazhon d’ar 17 a viz Mae 2025

Efedoù al lezenn war an arc’hant, a c’houlenn digant ar strollegezhioù lec’hel ober strivoù budjed pouezus, o deus dija un efed negativel war ar sammadoù gouestlet d’ar sport ha d’ar sevenadur dre vras.

Evit ar re a labour a-benn treuzkas hag implij ar brezhoneg pe sevenadur Breizh, diazezet a galz war youl ar bed kevredigezhel, e vez santet an efedoù bremañ : 

• Lammet pe digresket gant Kuzulioù-departamant Il-ha-Gwilen ha Liger-Atlantel o skoazell d’ar stignad “Desk” da arc’hantaouiñ ar stummadurioù war ar brezhoneg evit an dud deuet,
• Digresk ar yalc’hadoù da Ofis Publik ar Brezhoneg, da Greizenn Yezhoù ha Sevenadur e Sant-Ervlan ha da Ajañs sevenadurel breizhek Liger-Atlantel,
• Digresket ar varregezh da harpañ ar frammoù liammet ouzh obererezhioù sevenadurel, sport pe arz arbennik da Vreizh (Ti ar Gouren, Amzer Nevez, Sonerion, Coop Breizh, Dastum, ha kement ‘zo) a oa bresk dija.

Ar strollegezhioù lec’hel, a embann evit ar mare kenderc’hel gant ar skoazell da yezh ha sevenadur Breizh, n’int ket evit kreskiñ o sikourioù ha dre an dra-se e virer da wellaat ha da ziorren, kondisionoù labour an implijidi a labour evito hag a ra peurliesañ kalz diwar nebeud a zoareoù.

Peogwir ne vez ket lakaet e pleustr holl zoareoù an emglev Stad-Rannvro evit implij ha treuzkas yezhoù Breizh, dreist-holl evit ar c’helenn divyezhek hag ar panellerezh, peogwir ne zouj ket ar Stad ouzh al lezenn Molac evit ar c’helenn divyezhek gwanaet gant ar C’huzul Bonreizhel, peogwir e chom nann paeet ar skodennoù-skol d’ar skolioù Diwan pe divyezhek, hag an dezverkoù strishoc’h lakaet e plas evit an implijoù skoazellet, ne weler ket an amzer o vont war sklaeraat.

Aon hon eus ez afe war hiraat al listennad-se ha d’ur mare m’eo kadarnaet digresk an niver a vrezhonegerien·ezed hon eus aon ivez n’hor befe ket peadra a-benn kenderc’hel da dreuzkas hor yezh hag hor sevenadur a-drugarez d’ar postoù-labour lakaet bremañ en arvar.

Kalz a dud war an dachenn a zo emskiant eus ar riskloù ha c’hoant o deus da ober eus ar 17 a viz Mae, Devezh Gouel Breizh, un darvoud stourm a-benn manifestiñ ha nac’hañ e vefe lakaet en arvar yezh ha sevenadur Breizh abalamour da ziarbennoù strizh tapet e Pariz.

An dud engouestlet a ginnig dont da Roazhon da vanifestiñ d’ar 17 a viz Mae da 2 eur g.m., Reper Jeneral de Gaulle, evit goulenn groñs :

• Ne vo ket anduret e mod ebet gant yezh ha sevenadur Breizh an diarbennoù budjed strizh en ur ziskenn ar yalc’hadoù d’ar re a laka anezho da vevañ hag evit ma vo skoazellet, muioc’h c’hoazh, al leurennoù lec’hel, al lec’hioù hag ar frammoù kevredigezhel a dreuzkas sonerezh Breizh (kanet, sonet pe dañset), met ivez frammoù liammet ouzh an embann hag ar skignañ.
• E vefe dispignet un euro dre annezad·ez bep bloaz gant ar meurgêrioù hag an etrekumunioù e Breizh eus Brest da Clisson evit implij ha treuzkas ar brezhoneg er respedad 2026-2032 : gallout a reont en ober a-drugarez d’al lezenn Molac, hag a ro tro dezho da gemer perzh a-benn sikour da gelenn, da vrudañ ha da skignañ ar brezhoneg.
• E vefe moaien da vBreizh da zivizout war dachenn ar sevenadur hag hini ar yezh, evel goulennet gant Kuzul-rannvro Breizh dre vot ar muiañ-niver – nemet an RN – hag a c’houlenn da gaout muioc’h a c’halloudoù.

Graomp eus an deiziad-se un devezh na c’heller ket ankouaat hag a verko, dre al levenez hag ar c’hoant da rannañ, hor spered digor koulz hag hor c’hoant splann da nac’hañ an estrengasoni hor youl da vevañ evel kumuniezh, evel pobl hag a rank, evel an holl bobloù, bezañ gouest da gaout peadra da reiñ buhez, profañ ha treuzkas ar pezh a ra he dibarder.

Esplanade Général de Gaulle, 35000 Rennes, France

 14h – 17/05

L’article Galv da vanifestiñ e Roazhon d’ar 17 a viz Mae 2025 est apparu en premier sur Stumdi.

Embannet eo bet sontadeg Rannvro Breizh e miz Genver 2025. Hervezi e chomfe 100 000 brezhonegerien war ar 5 departamant.
Diwar-benn ar c’heleier-mañ eo bet goulennet Stumdi lakaat ar gaoz en abadenn “Bonjour Bretagne” war Tébéo d’an 28 a viz Genver 2025.
Loig Jestin, kenurzhier ar bedagogiezh ‘neus respontet d’o goulennoù. 

Abadenn da selout ouzh tebeo.bzh

Bonjour Bretagne

L’article “Bonjour Bretagne ” – 100 000 brezhoneger – piv int ? est apparu en premier sur Stumdi.

Stumdi a ginnig emvodoù kelaouiñ enlinenn bep Meurzh diwezhañ ar miz. Digor eo d’an holl re a fell dezho tapout titouroù diwar-benn ar stummadurioù 6 miz evit an deraouidi a vez aozet e Brest | Landerne | Sant-Brieg | Gwengamp | Plañvour | Gwened.

Emvod a zeu

• Deiziad : d’ar Meurzh 28/01/2025
• Eur : 6e30 gm
• Lec’h : enlinenn (liamm kaset dre bostel un eur a-raok an emvod).
• Lakaat h.e anv : AMAÑ (Enskrivadurioù serret da 3e gm d’ar memes devezh).

Pal an emvod

• Kinnig ar greizenn stummañ
• Bed al labour e brezhoneg
• Arc’hantaouiñ ar stummadur 
• Hentennoù ha palioù
• Foar ar goulennoù

Prantadoù da zont – stummadur 6 miz

• 11/09/2025 → 20/03/2026

Gouzout hiroc’h :  02 98 21 39 94 / contact@stumdi.bzh

L’article Emvod kelaouiñ enlinenn – “Le breton en 6 mois” est apparu en premier sur Stumdi.

Ar Redadeg a zo o tostaat !!! Ober a raio tro Breizh etre ar 17 hag ar 25 a viz Mae 2024 ! ?‍?‍?‍?‍

Ur redadeg a-bep-eil eo, evit an holl hag evit ar blijadur.

N’eus taol-kaer ebet d’ober, maout ebet da c’hounit. Dont a ra an tadoù ha mammoù gant o bugale, an dud-kozh gant o bugale-vihan, ar re yaouank gant o mignoned, da redek 100 pe 1000 m, an holl a-gevret.

An holl troet war-du un dra hepken : ambroug dougerien ar vazh-test, hag ar c’hemenn e brezhoneg a zo enni, hep distag, hag an trec’h eo trec’h an holl, ar skoazell roet gant ar bobl d’ar brezhoneg.

Bodañ a ra miliadoù a dud e pevar c’horn ar vro ha spegus eo al laouenidigezh !

Gwerzhet e vo ar c’hilometradoù d’an dud, d’ar strollegezhioù, d’an embregerezhioù, d’ar c’hevredigezhioù,… da lâret eo d’an nep a fell dezhañ kemer perzh en darvoud a-benn skoazellañ ar brezhoneg. An hanter eus ar gounidoù az aio da arc’hantiñ rouedad ar skolioù Diwan. An hanter all a sikouro kevredigezhioù da implij, diorren ha treuzkas ar brezhoneg er gevredigezh a-vremañ.

Berzh kentañ an darvoud, leun a levenez hag a startijenn, a chom a-hed ar bloavezhioù.

Dibaoe an hini kentañ a ya an darvoud war-gresk.

Muioc’h a ditouroù amañ : https://www.ar-redadeg.bzh/br/ar-redadeg/article/muioc-h-a-ditourou

Prenet e vez bep bloaz ur c’hilometr gant Stumdi a-benn souten ar Redadeg hag ar raktresoù e brezhoneg. 

Prest oc’h ?? Deuit niverus da redek ganeomp !! ??

KM 1941 | 24/05/2024 | 18:14 | Landerne

Programm gouel al loc’hañ e Beg ar Raz : https://www.ar-redadeg.bzh/br/keleier/article/programm-al-loc-han-2024-deus-beg-ar-raz

Programm gouel an degouezh e Montroulez : https://www.ar-redadeg.bzh/br/keleier/article/programm-degouezh-2024-e-montroulez

Ha stajidi Stumdi ? 

Redet e vo ganto ivez evel-just !! Prenet ez eus bet 2 gilometr ganto ?

Km stajidi Gwengamp : KM 1519 | 23/05/2024 | 09:51 | Gwengamp

Km stajidi Landerne : KM 1940 | 24/05/2024 | 18:10 | Landerne

L’article Deuit da redek ganeomp !! est apparu en premier sur Stumdi.

Kavout a reoc’h rentañ-kont hollek an enklask-mañ amañ :

RESULTAT_ENQUETE_2022-2023 (deux sessions)

L’article Enklask : petra eo deuet da vezañ hor stajidi ? est apparu en premier sur Stumdi.

Sellit amañ ouzh ar pennad e galleg : https://stumdi.bzh/formation-des-enseignant%c2%b7e%c2%b7s-un-nouveau-dispositif-de-soutien/

L’article Ur stignad nevez evit ar skolaerien/skolaerezed est apparu en premier sur Stumdi.

Perak e rankomp mont d’ar vanifestadeg Diwan e Sant-Brieg d’an 3 a viz C’hwevrer 2024 ?

Evit ur gwir bolitikerezh yezh en Aodoù-an-Arvor !

Gervel a ra Diwan da vont da vanifestiñ d’ar Sadorn 3 a viz C’hwevrer evit meur a abeg. Pennad da lenn amañ :

Perak e rankomp mont d’ar vanifestadeg Diwan e Sant-Brieg d’an 3 a viz C’hwevrer 2024

Kengred eo Stumdi gant Diwan ha pediñ a ra an holl stajidi, bet hag a-vremañ, gopridi e gevredigezh da vont da vanifestiñ.

Stumdi a zo staliet abaoe un toullad bloavezhioù e departamant Aodoù-an-Arvor ha staliet eo e 2 lec’h : Gwengamp (abaoe 2009) ha Sant-Brieg (abaoe 2015).

Pal pennañ hor c’hreizenn-stummañ eo kelenn ar brezhoneg d’an oadourien dre un hentenn deskiñ hag a ro an tu dezho da anavezout ha da implijout ar yezh-se war ar bemdez goude 6 miz stummadur, pe 9 miz zoken. Stummañ a reomp bep bloaz, ur c’hant bennak a stajidi war ar stummadurioù-se e Breizh, en o zouez un tregont bennak e departamant Aodoù-an-Arvor.

Abalamour d’ar berzh-se hor boa labouret gant Pol implij Gwengamp e 2021 war ur stummadur micherel dibar a gas da vicherioù ar radio e brezhoneg.

E fin o stummadur ha 6 miz goude e c’houlennomp digant ar stajidi petra int deuet da vezañ. An darn vrasañ anezho a gav pe a adkav ul labour goude o stummadur.

80% eus an tachennoù labour a zo liammet ouzh ar c’helenn en hentennoù divyezhek pe dre soubidigezh e Diwan. Stummañ a reomp neuze kelennerien da zont ar skolioù.

Un oberour a-bouez eo Stumdi en Aodoù-an-Arvor. Evit derc’hel gant al lusk-se ha diorren hor c’hinnig stummadurioù er c’horn-bro e c’houlennomp sikour bep bloaz digant Departamant Aodoù-an-Arvor.

Siwazh, ne c’hallomp nemet lakaat war-wel an diouer a skoazell eus perzh Departamant Aodoù-an-Arvor a zo an departamant nemetañ o chom hep reiñ ur yalc’had d’hor c’hreizenn-stummañ.

Abalamour da-se e c’halvomp an holl da vont da vanifestiñ neuze d’ar Sadorn 3 a viz C’hwevrer 2024 e Sant-Brieg (emgav da 2e dirak an Ti gar) evit ma vo lakaet e plas ur gwir bolitikerezh yezh gant Departamant Aodoù-an-Arvor !

Renerezh Stumdi hag ar C’huzul-merañ

Galv stumm PDF amañ : Galv da vanifestiñ – Appel à manifester

L’article Galv da vanifestiñ d’ar Sadorn 3 a viz C’hwevrer 2024 e Sant-Brieg est apparu en premier sur Stumdi.

Kinniget e vez gant Stumdi e forom tro-dro d’ar micherioù hag ar stummadurioù liammet gant ar brezhoneg. An 11vet abadenn a vo e balioù kinnig doareoù da zeskiñ brezhoneg e Breizh, hag an tachennoù micherioù ha stummadurioù liammet gant ar brezhoneg. Ur marc’had a zo o tiorren (1850 post kevatal da leun amzer*)

*Diwar sifroù diwezhañ Ofis Publik Ar Brezhoneg embannet e 2022.

PALIOÙ

→ Titouriñ ar publik war an doareoù disheñvel da zeskiñ brezhoneg,

→ Kizidikaat an holl publikoù war ar pezh a c’hell digas ar brezhoneg war ar postoù,

→ Digas d’ar publikoù divyezhek (skolajidi, liseidi, studierien, stajidi ar stummadur dibaouez, tud dilabour, gopridi…) titouroù war an tachennoù micher, ar micherioù, ar stummadurioù hag an diplomoù liammet gant ar brezhoneg.

DEIZIAD HA LEC’H

Kinniget e vo ar forom d’ar Yaou 22 a viz C’hwevrer 2024, eus 11e00 da 5e00 e Kreizenn sevenadurel ar family e Landerne

L’article FOROM MICHERIOÙ & STUMMADURIOÙ est apparu en premier sur Stumdi.

Stumdi, kreizenn stummañ war ar brezhoneg, a ginnig ur formulenn 3 miz evit an holl re o defe c’hoant mont pelloc’h gant o live brezhoneg.

Aozañ a reomp un emvod kelaouiñ enlinenn evit kinnig ar stummadur : AMPART E 3 MIZ !

Deiziad : da zont

D’ar Meurzh 28/01/25

Da 7e30 noz (19h30)

Lec’h enlinenn : AMAÑ

Al liamm a vo kaset deoc’h un nebeud eurvezhioù a-raok an emvod

/!\ ret eo lakaat e anv da 3e devezh an emvod d’an diwezhatañ

Temoù gwelet e-pad an emvod :

• Kinnig ar greizenn + al lec’hioù stummañ
• Arc’hantaouiñ (Doareoù liesseurt da arc’hantaouiñ ar stummadur diouzh pep profil)
• Programm ar stummadur
• Goulennoù

? Stummadur da zont : 12/09/2024 → 11/12/2024

Muioc’h a ditouroù : 02 98 21 39 94 / contact@stumdi.bzh

L’article Emvod kelaouiñ enlinenn stummadur 3 miz est apparu en premier sur Stumdi.

Stumdi a ginnig emvodoù kelaouiñ enlinenn bep meurzh diwezhañ ar miz. Digor eo d’an holl re a fell dezho tapout titouroù diwar-benn ar stummadurioù 6 pe 3 miz (deraouidi ha brezhonegerien) a vez aozet e Brest | Landerne | Sant-Brieg | Gwengamp | Plañvour | Gwened.

Lakit hoc’h anv evit an emvod kelaouiñ enlinenn da zont amañ.

L’article Emvod kelaouiñ enlinenn 2024 est apparu en premier sur Stumdi.