{"id":6501,"date":"2020-01-16T10:43:18","date_gmt":"2020-01-16T09:43:18","guid":{"rendered":"https:\/\/stumdi.bzh\/?p=6501"},"modified":"2020-03-23T15:42:49","modified_gmt":"2020-03-23T14:42:49","slug":"ar-redadeg-2020","status":"publish","type":"post","link":"https:\/\/stumdi.bzh\/bzh\/ar-redadeg-2020\/","title":{"rendered":"Ar Redadeg 2020 !"},"content":{"rendered":"

Mignon-ez-ed ker, rederezed, rederien ker,<\/p>\n

Ur ranngalon eo met ranket hon eus divizout ne vo ket eus hor Redadeg muia\u00f1 karet e miz Mae 2020 evel ma oa raktreset.<\/p>\n

O prederia\u00f1 emaomp war ar mod d\u2019ober evit kas war-raok hor raktres “Brezhoneg ha plijadur”\u00a0: dalea\u00f1… betek pegoulz\u00a0?, nulla\u00f1 evit 2020, ur Redadeg berroc\u2019h, ur Redadeg virtuel… Danvez \u2019zo ennomp, en hor skipailh, evit kaout ar mennozio\u00f9, an ijin hag ar youl a-stroll a gaso ac\u2019hanomp war-zu un diskoulm a vo, piv oar, marteze bravoc\u2019h c\u2019hoazh\u00a0!<\/p>\n

Betek an Trec\u2019h\u00a0!<\/p>\n

Roet vo keleier deoc\u2019h kerkent ha ma vo sklaeroc\u2019h an trao\u00f9 evidomp, evit an holl.<\/p>\n

Kuzul-mera\u00f1 ar Redadeg<\/p>\n\n\n\n
\"<\/td>\nUr redadeg a-eilek<\/strong> eo \u00ab ar Redadeg \u00bb, savet e 2008 hag a vez redet bep eil bloaz.<\/p>\n

Ur gouel a-dreuz Breizh eo hag a vod an dud deiz ha noz, hep ehan rak arouez vev treuzkas ar brezhoneg<\/strong> eo a rummad da rummad, a vro da vro, ur yezh yac\u2019h, oberiant ha gant startijenn !<\/p>\n

Evit skoazella\u00f1 raktreso\u00f9 evit ar brezhoneg<\/strong> e vez gwerzhet ar c\u2019hilometrado\u00f9 d\u2019an dougerien. Dasparzhet e vez ar gounid etre raktreso\u00f9 nevez ha liesseurt dibabet bep bloaz, bepred evit skoazella\u00f1 ar yezh er gevredigezh a-vrema\u00f1, ar c\u2019helenn pe ar mediao\u00f9, implijout ar yezh er vuhez foran, rei\u00f1 tu d\u2019ar vrezhonegerien d\u2019ober gant o yezh…<\/p>\n

Difenn a ra ar Redadeg g\u00ear-stur \u00ab Brezhoneg ha plijadur \u00bb<\/strong> !
Gallout a reer redek gant ar familh, etre mignoned pe genlabourerien, treuzwisket, en ur seni\u00f1, heulia\u00f1 ar Redadeg war droad pe gant boto\u00f9-ruilh, gant karrigo\u00f9-babig pe war varc\u2019h-houarn… sevel gouelio\u00f9 pe ober e vad eus ar festo\u00f9-noz pe ar festo\u00f9-deiz, eus an abadenno\u00f9 c\u2019hoariva, eus ar stando\u00f9, an dijunio\u00f9… kavet diouzh al lec\u2019h hag ar c\u2019houlz ma tremeno ar Redadeg.
Kemer plijadur eo ar pal kenta\u00f1, beza\u00f1 gwelet ha diskouez omp niverus o veza\u00f1 mennet gant ur yezh vev e Breizh hag evel just un dro vrav da glevout ha da gaozeal brezhoneg ! <\/strong><\/p>\n

Ar vazh, arouez ar brezhoneg, a zo kuzhet enni ur gemennadenn<\/strong> hag a vo kaset a zorn da zorn betek k\u00ear an degouezh, hag a vo lennet dirak an holl ur wech erru ar rederien.<\/p>\n

Un darvoud war un dro kengred, sportel, sevenadurel, bevet a-stroll ha gant plijadur<\/strong>.<\/p>\n

Un darvoud dezha\u00f1 ul levezon bras war ar mediao\u00f9 (e Breizh ha pelloc\u2019h), war an armerzh (war eeun pe da eil) ha war ar sevenadur.<\/strong><\/td>\n<\/tr>\n<\/tbody>\n<\/table>\n

 <\/p>\n

Tremen a ra dre 5 departamant Breizh a-hed 2020 km ha dre 340 kumun e 2020<\/strong><\/a>
Evit ar 7vet Redadeg e 2020 e loc\u2019ho ar Redadeg d\u2019ar 15 a viz Mae e Karaez betek an 23 a viz Mae e Gwengamp.<\/p>\n

\"<\/p>\n

 <\/p>\n

Muioc’h a ditouro\u00f9 war lec’hienn\u00a0: AR REDADEG<\/a><\/strong><\/span><\/p>\n

 <\/p>\n

E-giz bep bloaz, eo bet prenet ur c’hilometr gant Stumdi !<\/strong><\/p>\n

Deuit da redek ar c’hilometr n\u00b0515 d’ar Sul 17 a viz Mae da 5e32 e Landerne !<\/strong><\/span><\/p>\n